Arslan.mn

МХЕГ-аас коронавирусийн халдвараас сэргийлэх чиглэлээр хийж буй арга хэмжээни талаар мэдээлэл хийлээ.

"Өнөөдрийн байдлаар 1,475 чингэлэг, 61 вагонд мэргэжлийн байгууллагаар ариутгал хийлгэж, хяналт тавьсан"

МХЕГ-ын Эрүүл ахуйн халдвар хамгааллын хяналтын улсын ахлах байцаагч Т.Төмөрбаатар “Нэгдүгээр сарын 6-наас хойш нийт 100 сэжигтэй тохиолдлыг Хилийн мэргэжлийн хяналтын газар илрүүлсэн. Мөн халдварын сэжигтэй 15 тохиолдлыг хил дээрээс буцаасан.

МХЕГ-ын даргын тушаалаар нөхцөл байдал хүндэрсэн үед Буян-Ухаа боомт болон бусад боомт дээр ажиллах хүмүүсийн нэрийн жагсаалтыг баталсан.

Түүнчлэн манай байгууллагаас БНХАУ-аар дамжин өнгөрсөн тээврийн хэрэгслийн ариутгал халдваргүйтлийг хийж байгаа бөгөөд өнөөдрийн байдлаар 1,475 чингэлэг, 61 вагонд мэргэжлийн байгууллагаар ариутгал хийлгэж, хяналт тавьсан.

Бид эрсдлийн үнэлгээг холбогдох байгууллагатай хийж, гарсан дүнгээр цаашид авч хэрэгжүүлэх ажлаа төлөвлөж байна” гэв.