Arslan.mn

Уулын баяжуулах “Эрдэнэт” үйлдвэрийн захирал асан Ц.Даваацэрэнг нэгэн хувийн компанийн захирлын хамт өнгөрсөн аравдугаар сарын 31-ний өдөр ШШГЕГ-ын харьяа хорих 461 дүгээр ангид саатуулсан. Тэгвэл өнгөрсөн баасан гараг буюу энэ сарын 21-ний өдөр эрүүл мэндийн шалтгаанаар Ц.Даваацэрэн батлан даалтад гарч, эмнэлэгт хэвтэн эмчлүүлж байна.

Эрдэнэт үйлдвэрээс оффшор бүс дэх хэд хэдэн данс руу 2009-2017 онд олон сая ам.долларын гүйлгээнүүд хийсэн  хэмээн түүнийг буруутгаж, АТГ, ЭЦА, ТЕГ-аас энэ хэргийг шалгаж буй юм. Ц.Даваацэрэн 2012-2016 онуудад “Эрдэнэт” үйлдвэрийг удирдан ажилласан юм.