ПРОКУРОР: “Хууль зүйн туслалцаа авах эрх-2019” өдөрлөгийг зохион байгуулжээ

Нэгдсэн Үндэстний Байгууллагын Ерөнхий Ассамблей 1948 оны 12 дугаар сарын 10-ны өдөр “Хүний эрхийн Түгээмэл тунхаглал” хэмээх амин чухал баримт бичгийг баталсанаас хойш жил бүрийн энэ өдрийг дэлхий нийтээр “Хүний эрхийн олон улсын өдөр” болгон тэмдэглэж ирсэн.

Энэхүү өдрийг тохиолдуулан Сүхбаатар аймагт “Эрхийнхээ төлөө нэгдэцгээе”, Дархан-Уул аймагт “Хууль зүйн туслалцаа авах эрх-2019” өдөрлөгийг тус аймгийн прокурорын газрууд зохион байгуулжээ.

Өдөрлөгт Сүхбаатар, Дархан-Уул аймаг дахь хуулийн байгууллагууд хамтран оролцсон бөгөөд эрх нь зөрчигдсөн, хохирсон иргэдэд хууль зүйн үнэ төлбөргүй зөвлөгөө өгч ажилласан байна.

Мөн “Хүний эрхийн түгээмэл тунхаглал”, “Эрүүдэн шүүх болон бусад хэлбэрээр хэрцгий, хүнлэг бусаар буюу хүний нэр төрийг доромжлон харьцаж шийтгэхийн эсрэг конвенц”-ийн тухай иргэдэд мэдээлэл өгч, прокурорын байгууллагын үйл ажиллагааны талаар танилцуулсан байна.