Arslan.mn

Чөлөөлөх дайны ялалтын түүхт 80 жилийн ойг тохиолдуулан  Ж.Лхагвасүрэн жанжны хөшөөнд цэцэг өргөж, хүндэтгэл үзүүллээ.

Жанжин Ж.Лхагвасүрэн 27-хон насандаа хурандаа, генерал болсон анхны хүн юм. Түүний үйл хэргийг мөнхжүүлэх зорилгоор 2000 оны есдүгээр сарын 2-нд “Орчлон” сургуулийн өмнө хөшөөг нь сүндэрүүлж байжээ.

Ж.Лхагвасүрэн нь БНМАУ-ын Батлан хамгаалах яамны сайд, БНМАУ-ын ардын арми, цэргийн гарамгай зүтгэлтэн, хурандаа генерал юм. Түүнийг 1989 онд “Монгол Улсын баатар” цол нэхэн шагнасан байдаг. Мөн 1999 онд Засгийн газрын тогтоолоор “XX зууны Монгол цэргийн гарамгай зүтгэлтэн” цол, тэмдэг нэхэн олгож байжээ.