Arslan.mn

ХБНГУ-д энэ оны тавдугаар сард 70 кг геройний төрлийн мансууруулах бодис тээвэрлэж яваад баригдсан БНТУ-ын Истанбул дахь Ерөнхий консулын газарт ажилладаг дипломат ажилтан, Тагнуулын дэд хурандаа Б.Баттүшиг болон жолооч С.Эрдэнэбаяр нарт холбогдох хэргийг шалгаж дуусаад Дрезден хотын прокурор энэ сарын 12-ны шүүхэд шилжүүлсэн гэдгийг эх сурвалжууд мэдээллээ.

Монголын дипломат ажилтнуудыг шүүх хурлын тов удахгүй гарах бөгөөд  яг хэзээ гэдэг тодорхойгүй байгаа аж.

Монгол Улсын дипломат албаны нэр хүндийг дэлхий дахинд шившиг болгосон дээрх хоёр албан тушаалтныг өнгөрсөн зургадугаар сарын 19-ний өдөр ажлаас нь чөлөөлсөн билээ. Тэд гурван сая орчим евро буюу 10 орчим тэрбум төгрөгөөр үнэлэгдэх хэмжээний 500 граммаар жижиглэн боосон, нийт 70 кг геройн гэх мансууруулах бодис тээвэрлэж байсан нь ил болсон.