Arslan.mn

Гарал үүсэл нь тодорхойгүй, хадгалалтын горим зөрчсөн, хаяг шошгогүй түргэн гэмтэх хавчуургатай талхнаас энэ сарын 16-ны өдөр хордлого гарч, олон тооны хүн ХӨСҮТ-д хэвтэн эмчлүүлж байна. Үүнтэй холбогдуулан Хан-Уул дүүрэг дэх Мэргэжлийн хяналтын хэлтэс Хан-Уул дүүргийн нутаг дэвсгэрт үйл ажиллагаа явуулж байгаа түргэн үйлчилгээний цэгүүдэд урьдчилан сэргийлэх хяналт шалгалт хийжээ.

Шалгалтаар Хан-Уул дүүргийн 3-р хорооны автобусны буудлын урд байрлах иргэн Б.Уранхуар нь гэртээ өндөг чанаж түргэн үйлчилгээний цэг дотор худалдан борлуулсан зөрчил илэрсэн байна. Уг зөрчилд Зөрчлийн тухай хуулийн 6.15 дугаар зүйлийн 3.1 дах заалтаар торгууль оногдуулж, Хан-Уул дүүрэг дэх Мэргэжлийн хяналтын хэлтсийн 2019 оны 07 дугаар сарын 25-ны өдрийн 02-17/305 тоот мэдэгдэл хүргүүлэн ажиллажээ.