С.Мөнхчулуун: С.Амарсайхан ҮНДЭСНИЙ АЮУЛГҮЙ БАЙДАЛД заналхийлсэн ажлыг эхлүүлэх гэж байна
Нийслэлийн нутаг дэвсгэрийн 50 га газарт хүлэмжийн аж ахуй эрхлэх зөвшөөрлийг БНХАУ-ын Тяньжин Фүүдс компанид өгчээ. Энэ шийдвэрийг эсэргүүцэж, НИТХ-ын Тэргүүлэгч С.Мөнхчулуун болон хүлэмжийн аж ахуй эрхлэгч иргэдийн төлөөлөл өнөөдөр мэдээлэл хийлээ.
ШУУД ҮЗЭХ:
НИТХ-ын Тэргүүлэгч С.Мөнхчулуун:
Засгийн газрын хэрэг эрхлэх газраас өгсөн чиглэлийн дагуу НИТХ-ын тэргүүлэгчдийн 03 дугаар сарын 27-ны өдрийн хуралдаанаар Нийслэлийн нутаг дэвсгэрийн 50 га газарт хүлэмжийн аж ахуй эрхлэх зөвшөөрлийг БНХАУ-ын Тяньжин Фүүдс компаний хэлэлцэж, тэргүүлэгчидийн олонхи нь дэмжихгүй, буцаасан. Энэ бол үндэсний аюулгүй байдалд сөргөөр нөлөөлнө. Үүнээс гадна Монголд ажиллаж байгаа хүлэмжийн аж ахуйн нэгжийг татаж унагаах аюултай гэж үзсэн учраас дэмжээгүй буцаасан. Гэвч тухайн өдөр Нийслэлийн Засаг дарга С.Амарсайхан өөрөө ЗГХЭГ-т албан бичиг хүргүүлсэн. Харин тус албан бичигтээ С.Амарсайхан нь өөр компаниар тус ажлыг хийлгэхээр болсон гэсэн байгаа юм. Тэгэхээр энэ ажил цаашаа явах нь гэсэн үг. БНХАУ-ын 40 тэрбум төгрөгийн хөрөнгө оруулалттайгаар хүлэмжийн аж ахуй эрхлэх нь тодорхой боллоо. Хүнсний аюулгүй байдал бол үндэсний аюулгүй байдал гэсэн үг. Биднийг ямар нэгэн химийн бордоогоор хооллохыг үгүйсгэхгүй. Тиймээс Ерөнхий, Ерөнхий сайд, ЗГХЭГ-ын дарга, ХХААХҮ-ийн сайд, нийслэлийн Засаг дарга нарт шаардлага хүргүүлж буй аж. Ингэхдээ Тяньжин Фүүдс компанид олгох гэж буй 50 га газрыг дотоодын аж ахуйн нэгжүүдэд нээлттэй сонгон шалгаруулалтаар хүлэмжийн аж ахуйн зориулалтаар олгохыг хүссэн байна. Мөн хүлэмжийн аж ахуй эрхлэгчдэд ЖДҮХС-ийн зээлээс олгохыг шаардсан шаардлагын хариуг 5 хоногийн хугацаанд авахаа тэд мэдэгдэж байна.
Эх сурвалж: ГЭРЭЛ ЗУРГИЙГ MPA.MN
|