Arslan.mn

ХЗДХЯ, ЦЕГ-аас санаачлан насанд хүрээгүй хүмүүсийг цахим гэмт хэргээс урьдчилан сэргийлэх чиглэлээр цахим гэмт хэргийн эсрэг "UNFRIEND” хөдөлгөөнийг эхлүүлсэн билээ. Тэгвэл өчигдөр Шөнийн гудамжинд “Unfriend all stars challange” шоу боллоо.

Монгол Улсын хэмжээнд 15-34 насны залуус идэвхтэй фейсбүүк хэрэглэдэг. Тоон үзүүлэлтээс харвал 2017 онд улсын хэмжээнд цахим орчинд үйлдэгдсэн гэмт хэргийн тоо 299 байсан бол 2018 оны эхний хагас жилийн байдлаар 279 болтлоо өссөн нь өмнөх онтой харьцуулбал тав дахин өссөн үзүүлэлт аж.

Улам бүр өсөн нэмэгдэж буй цахим гэмт хэрэгтэй тэмцэх энэхүү хөдөлгөөний хүрээнд цагдаагийн байгууллага ерөнхий боловсролын 700 орчим сургуульд мэдээлэл хүргүүлж, Төрийн ордонд томоохон хэлэлцүүлэг зохион байгуулах зэрэг олон арга хэмжээнүүдийг зохион байгуулан ажиллаж байна.