Arslan.mn

"Монгол шир" компаниас голомтлон гарсан халдварын тоо 140-д хүрсэн талаар ХӨСҮТ-ийн Тандалт судалгааны албаны дарга А.Амбасэлмаа мэдээллээ. Үүнд 20 гаруй ажилтны гэр бүлийн, найз нөхдийн гээд ойрын хавьтлууд орж байгаа аж.

Мөн "Цахиур төмөр" ХК-д халдварын тархалт их байгаа бол өчигдрийн байдлаар 16-р хороололд буюу БЗД-ийн 36-р байрт бүртгэгдсэн голомт идэвхтэй байна. 

Сүүлийн 24 цагт 38,409 хүнд шинжилгээ хийж халдварын 28 тохиолдол шинээр бүртгэгдлээ. 28 тохиолдлыг өмнө нь батлагдсан тохиолдлуудын хавьтлууд болон "Нэг хаалга-Нэг шинжилгээ" ажлын хүрээнд илрүүлсэн бөгөөд 27 нь хавьтлын шинжилгээгээр илэрсэн.

"Нэг хаалга-Нэг шинжилгээ" ажлын хүрээнд нийт 27 халдварын тохиолдлыг илрүүлээд байна.

Тухайлбал, 

• БГД-ийн 3, 12, 25 дугаар хороо
• БЗД-ийн 26 дугаар хороо
• СБД-ийн 18 дугаар хороо
• СХД-ийн 7, 39 дүгээр хороо
• ХУД-ийн 2, 4 дүгээр хороо
• ЧД-ийн 2, 6, 12 дугаар хороонд тус тус бүртгэгджээ. " гэв.