Arslan.mn

Сүрьеэгээр өвдсөн иргэн эмчилгээнд хамрагдахдаа эмч, эмнэлгийн ажилтан, сайн дурын идэвхтэний зайлшгүй хяналтан дор эм бэлдмэл ууж хэрэглэдэг. Тиймээс техник технологийн дэвшил болох Skype application ашиглан эмч, эмнэлгийн ажилтан алсын зайнаас өвчтөнтэйгээ шууд харилцан, эмчилгээний хяналтан дор эмийг нь уулгах болон зөвлөгөө өгч эхэллээ. 

Сүрьеэгийн эмчилгээг сайжруулах шинэлэг аргыг нэвтрүүлснээр өвчтөний хувьд цаг заваа хэмнэх, нууцлалаа хадгалах болон санхүүгийн байдалд дэмжлэг болох ихээхэн үр дүнтэй ажил юм. Одоогоор Сүхбаатар дүүргийн эрүүл мэндийн төвд энэхүү аргыг нэвтрүүлэн ажиллаж байгаа бөгөөд цаашид бусад дүүрэгт нэвтрүүлснээр эмчилгээ сайжрах боломжтой юм.