Arslan.mn

Намрын ургац хураалт эхэлсэнтэй холбогдуулан  “Намрын ногоон өдрүүд” арга хэмжээ энэ сарын 18-24-нд “Мишээл экспо” төвд болох гэж байна.

“Намрын ногоон өдрүүд” нэгдсэн арга хэмжээг Монгол Улсад атар газар эзэмшсэний 60 жилийн хүрээнд “Эрүүл хүнс-Эрүүл Монгол хүн” уриан дор зохион байгуулахаар болжээ.

• Есдүгээр сарын 20-нд “Баяжуулсан хүнс”,
• 21-нд “Атар-60 жил” болон “Үндэсний хоол”, 
• 22-нд  “Мах сүүний анхдугаар аян”,
• 23-нд  “Органик хүнс” өдөрлөгүүдийг тус бүр зохион байгуулах юм байна.    

Үзэсгэлэн худалдаанд оролцох сонирхолтой хүнс үйлдвэрлэгч аж ахуйн нэгжүүд энэ сарын 12-14-нд Хүнс, хөдөө аж ахуй, хөнгөн үйлдвэрийн яамны Хүнсний үйлдвэрийн хөгжлийн бодлого зохицуулалтын газарт хандаж хариуцлагын гэрээ байгуулан, мандат авах юм байна.