НИТХ-ын VII хуралдаан ээлжит бусаар хуралдаж байна. Хурал 11.30 цагт эхэлсэн ч НИТХ дахь АН-ын бүлгийн дарга Ц.Баатархүү нэг цагийн завсарлага авч, эргээд хуралдаж байгаа.

Хуралдааны эхэнд НИТХ-ын төлөөлөгч С.Мөнхчулуун өөрийнхөө нэрийг дэвшүүлэхээ мэдэгдэв. Тэрээр “НИТХ дахь МАН-ын бүлгийн хуралдаанд би суусан. Үндсэн хуулиар олгогдсон эрхийн хүрээнд нэр дэвшсэнтэй холбоотой намайг МАН-аас хасч, мөн бүлгийн гишүүнээр хаслаа. МАН-ын бүлгээс таван хүнийг тооллогын комисст оруулна гэж байсан. Ямар нэг байдлаар нөлөөлөхгүйгээр НИТХ-ын төлөөлөгчдийг саналаа өгөх боломжоор хангаж өгнө үү” гэв.

Мөн МАН-ын Удирдах зөвлөлөөс НИТХ-ын дарга С.Амарсайханг нийслэлийн Засаг даргад нэр дэвшүүлжээ.

НИТХ-ын хуралдаанаар иргэн Э.Бямбацэрэн нийслэлийн Засаг даргад нэрээ дэвшүүлж байгаа талаараа бичгээ ирүүлжээ. Гэвч нийслэлийн Засаг даргад НИТХ-ын төлөөлөгч, нам, эвслээр нэр дэвшүүлдгийг хурал даргалагч онцлоод, нэрийг нь дэвшүүлэх боломжгүй гэдгийг тайлбарлав.

Улмаар НИТХ-ын төлөөлөгчид хоёр нэр дэвшигчид нууцаар саналаа өгнө. Энэ асуудалтай холбогдуулан тооллогын комиссын бүрэлдэхүүнд багтах төлөөлөгчдийг сонгох асуудал маргаан дагуулж байна.

Энэ асуудалтай холбогдуулан нийслэлийн АН-ын бүлэг хоёр цагийн завсарлага авах хүсэлт гаргав. Харин хурал даргалагчийн зүгээс хэлэлцэж байгаа асуудлыг шуурхайлах шаардлагатай байна гэж үзэн нэг цагийн завсарлага өглөө.

Arslan.mn