Arslan.mn

Баянгол дүүрэг  3, 4 дүгээр хорооллын эцэст шуудангийн зүүн талаар урууддаг авто замыг  эвдэж, гэрлийн шонг  хугалсан  байна гэсэн мэдээллийн мөрөөр Нийслэлийн Авто замын хөгжлийн газар, БГД-ийн Замын цагдаагийн тасагтай хамтран газар дээр нь очиж ажиллалаа. "Могсу" ХХК барилгын суурийн нүх ухахдаа гинжит экскаватороор шуудан урууддаг хэсгийн авто замыг эвдэж, гэрэлтүүлгийн шонг унагасан байна. НАЗХГ, БГД-ийн Замын цагдаагийн тасгаас тус компанийн ажлыг зогсоож, техник хэрэгслийн бичиг, баримтыг хураан авсан бөгөөд одоо "зөрчил арилгуулах тухай" албан бичгийг НМХГ-т хүргэхээр ажиллаж байна.