Arslan.mn

МАН-ын Их хурал өнөөдөр 14.00 цаг гэхэд өндөрлөнө. Үүний дараа Бага хурал үргэлжлүүлэн хуралдах юм байна.

Бага хурлаас МАН-ын ерөнхий нарийн бичгийн даргыг сонгох аж. Генсекийг намын дарга Бага хурлын гишүүдэд танилцуулж, хэлэлцүүлдэг дүрэмтэй. Үүнээс гадна Бага хурлын гишүүдээс хэн нь ч заалнаас Ерөнхий нарийн бичгийн даргад өрсөлдөх боломжтой юм. Одоогоор генсекийн суудалд "үзэхээр" Сүхбаатар дүүргийн Засаг дарга асан Б.Баярмагнайгийн нэр яригдаж буй. Гэхдээ ийм яриа гарснаас хойш түүнийг Сэлбэ голыг аврах нэрээр 6 тэрбум төгрөг төрөөс зувчуулсан хэмээн олон нийтийн сүлжээгээр хүчтэй шүүмжилж байгаа юм. Хоёр сонгууль дамнан яригдсан 60 тэрбумын асуудал намжаагүй байхад ийнхүү дахин их хэмжээний мөнгөтэй холбогдсон хүн генсект яригдаж байгаа нь шинэчлэл ярьж байгаа намын хувьд мэдээж таатай мэдээ биш.

Ямартай ч гурван өдөр хуралдах хөтөлбөртэй МАН шинэ дарга болж, цаашдын бодлого, мөрийн хөтөлбөрөө тодорхой болгох аж.