Arslan.mn

Засгийн газраас хатуу хөл хориог үргэлжлүүлэн тавдугаар сарын 8-ны 06.00 цаг хүртэл сунгах шийдвэр өнөөдөр гаргалаа. Энэ талаар мэдээлэл хийж байна. 

Шадар сайд С.Амарсайхан: Хөл хориог сунгаж байгааг албан ёсоор мэдэгдэж байна. Цар тахалтай тэмцэн, голомтод ажиллаж буй алба хаагчдадаа Засгийн газрын нэрийн өмнөөс болон хувиасаа чин сэтгэлийн талархлаа илэрхийлж байна. Хөл хориог тавдугаар сарын 8-ны 06:00 цаг хүртэл үргэлжлүүлэхээр болсон. Учир нь халдварын тархалт тасралтгүй нэмэгдэж байна. Хаврын улиралд халдварт өвчин эрчимтэй тархдаг. Хатуу хөл хорионы дэглэмийг үргэлжлүүлэх шаардлага үүслээ. 

Манай улсад мутацид орсон халдвар урьдчилсан байдлаар бүртгэгдсэн. Турк улсаас ирсэн иргэнээс Англид бүртгэгдсэн мутацид орсон халдвар илэрсэн. 

Түүнчлэн өнөөдрөөс эхлэн дархлаажуулалтын ажил 120 цэгээр үргэлжилж байна" гэв.