Arslan.mn

МАН, МАХН -ууд нэгдэх болсон тул С.Ганбаатар МАХН-аас гарч, Ардчилсан намд нэгдэж буйгаа өнөөдөр мэдэгдлээ. 

Тэрбээр "Би 2017 оны тавдугаар сарын 16-нд МАХН-д элсэж байсан. Харин өнөөдөр Үндсэн хууль болон Улс төрийн намын тухай хуульд заасны дагуу МАХН-ын гишүүнчлэлээс гарч буйгаа албан ёсоор мэдэгдэж, намын батлахаа гардуулан өгч байна. Эрх баригчидтай хамтран тэмцэж, бие биедээ хань болж явсан МАХН-ын журмын нөхөд, удирдлага, хамт олондоо сайн сайхныг хүсэж байна. Цаашид УИХ-д Эрдэнэтчүүдийнхээ дуу хоолой, байр суурийг уламжлан ажиллана.” хэмээсэн юм. 

Уг нь түүний хувьд 2020 оны УИХ-ын сонгуульд МАХН-тай эвсэн УИХ-д суудал авсан. Гэвч  тэрээр өнөөдөр тус намыг жийж Ардчилсан намруу зүтгэлээ. 

Түүний хувьд анхнаасаа л урваж шарваж ирснийг орж, гарсан намын жагсаалтаас харж болно.

Хамгийн анх  С.Ганбаатар МАН-д элссэн байдаг. Дараа нь Эрс шинэчлэл хөдөлгөөнд нэгдэж поошиг нүдэж явсан бол удалгүй Иргэний хөдөлгөөний намд элссэн. Удалгүй ХҮНамд элсжээ. Харин дараа нь МАХН-руу гүйж Н.Энхбаярын өвөрт орсон байдаг. Ингээд тэрээр АН-д элсэн орсоноор улс төрийн 5 дахь намдаа орлоо. 

Хаана ашигтай байна тэр зүгт хамхуул мэт хийсч явдаг түүний энэ удаагийн сонголтонд Ерөнхийлөгчийн сонгууль нөлөөлсөн биз. Хэд хоногоос тэрээр "Би Ерөнхийлөгчийн сонгууль Ардчилсан намаас нэр дэвшинэ" гээд явж байхыг үгүйсгэхгүй...