Arslan.mn

Аль өнцгөөс харах нь таны хэрэг. 28-хан насандаа 3-н эхнэр сольсон гээд Г.Ариунбаатарын шүүмжлэх хэсэг байхад дэмжих хүмүүс ч байдаг. Гол нь аль 2 жилийн өмнөөс хамт амьдарч, хүүг нь төрүүлсэн атал одоо хэр нь Б. Баярмааг ил гаргалгүй нууцалж, энд тэнд хамт үзэгдэх нь байтугай сошиал хуудсандаа ч Б. Баярмаа байтугай "Б" үсэг тавихгүй байгаа нь олны дунд сэжиг төрүүлэх шалтгаан болоод буй. Зарим нь бүр тэднийг зам замаа хөөж, дэлхийд данслагдсан дуучин залуу 3 дахь эхнэрээсээ нүүр буруулсан гэцгээж буй. Үнэн худлыг хэн мэдлээ. Ямартаа ч Г. Ариунбаатар хэвлэлээр " ахиж алдахгүй" гэж амласан болохоор Б:Баярмаатай эхлүүлсэн амьдралдаа цэг тавиагүй гэж найдъя. Олон эрчүүдийн хайрыг татдаг хөөрхөн бүсгүйг өөрийн болгосных ёстой л арган дээрээ бөмбөрүүлж, аль байдгаараа хичэж амьдрана байлгүй. Дэлхийн шилдэг 5-н дуучны нэг болсон Г.Ариунбаатарт " Авьяаслаг монголчууд" шоуны шүүгчийн суудал тун чиг зохиж буй. Нас залуу, туршлага думтаг болоод ч тэр үү зарим талаар хэт хөнгөдөж, бодлогогүй үг унагачихдгаас бусдаар хэт сайн шүүгч. Гэснээс саяхан Брюссельд болсон АСЕМ-ийн үеэр дэлхийн 51-н орны төрийн тэргүүнд зориулж тоглолтоо хийсний дараа бөөн урилга заллаганд дарагдаж, нэг хэсэгтээ л олдохооргүй болж байгаа юм билээ. Амраг хосууд эсэх нь асуултын тэмдэг байсан тэднийг анх " Соронз" л папарацидаж байлаа.