Arslan.mn

Монголчуудын дунд харшилгүй хүн бараг үгүй гэхэд болно. Хэдхэн жилийн өмнө харшилтай хүмүүсийн нулимс нь гоождог, эсвэл хамар нь битүүрдэг л гэж боддог байсан бол өдгөө төмөр, чихэр, эм, амьтан, тэр ч бүү хэл халуун, хүйтний харшилтай гэж ярих хүн олширчээ. Гэхдээ үүнийг зөв оношилж, эмчлүүлэхгүй бол амь насанд ч хүрэх аюултай гэнэ. Энэ талаар “Хаппи Веритас” төвийн Их эмч н.Батбаяр хэлэхдээ “дархлааны системийн тэнцвэр алдагдаж, гадны нөлөөнд хэт мэдрэг болж, тэр үйл явц нь арьс болон бие мах бодод сөргөөр илрэх шинж. Ямарч төрлийн харшил байж болно. Үүнийг эмчлүүлэхгүй удаан явбал амьсгал боогдож, бие чичрэх, зүрх салгалах шинж тэмдэг илэрч улмаар амь насаа алдах аюултай” гэв.

Харшилаас урьдчилан сэргийлэхийн тулд сорил тавиулж харшил төрүүлж буй хүчин зүйлсээ тодорхойлуулаарай. Харшил төрүүлэгч хүчин зүйлсийг тодорхойлохын тулд эмч зарим нэг сорил болон туршилтыг хийж болно.