Arslan.mn

Өнөөдөр буюу долоодугаар сарын 30-нд манай улсын 5 тамирчин спортын гурван төрөлд өрсөлдөнө.

08:00 цагт. Буудлагын эмэгтэйчүүдийн 25 метрийн гар бууны хурдан буудлага эхэлнэ. Тус төрөлд нийт 44 тамирчин оролцож байгаа бөгөөд эхний өдөр Ц.Анударь 287 оноогоор 29-р байр, О.Гүндэгмаа 283 оноогоор 38-р байранд жагсаж буй. 

10:00 цагт. Жүдо бөхийн эрэгтэйчүүдийн +100 кг жингийн эхний шатанд Ө.Дүүрэнбаяр зодоглоно. Тэрээр дэвжээний зургаа дахь барилдааныг 2018 оны ДАШТ-ий тавдугаар байрны шагналт Узбекистаны Бекмурод Олтибоевтой хийнэ.

18:10 цагт. Усан спортын эрэгтэйчүүдийн 50 метрийн чөлөөт сэлэлтийн төрлийн эхний шатанд М.Дэлгэрхүү өрсөлдөнө. 

18:32 цагт Усан спортын эмэгтэйчүүдийн 50 метрийн чөлөөт сэлэлтийн төрлийн эхний шатанд Б.Энххүслэн өрсөлдөнө.