Жүдо багийнхан 4:2-ын харьцаагаар ялагдал хүлээлээ

Жүдо бөхийн насанд хүрэгчдийн ДАШТ өнөөдөр багийн аварга шалгаруулах тэмцээнээр үргэлжилж байна.

Манай баг тамирчид тэмцээний “А” хэсэгт Япон, Алжир, Украйн, Германы багтай оноолт таарсан бөгөөд Герман улсын багтай нийт зургаан жинд хүч үзэн 4:2-ын харьцаатайгаар ялагдал хүлээлээ.

Тус барилдаанд эмэгтэй -57 кг-д Д.Сумъяа, эмэгтэй -70 кг-д Ц.Наранжаргал, эмэгтэй +70 кг-д Б.Мөнхтуяа, эрэгтэй -73 кг-д Г.Одбаяр, эрэгтэй -90 кг-д Г.Алтанбагана, эрэгтэй +90 кг-д Ө.Дүүрэнбаяр нар зодоглосон юм.

Мэдээнд өгөх таны үнэлгээ?