7 хоногийн тойм -22°C 2639.86 ₮
08 сарын 23, Баасан
Өнөөдөр

Arslan.mn

Орон сууц худалдан авах нь хөрөнгө оруулалтын шийдвэр мөн үү?

админ
2019 оны 5 сарын 13

Arslan.mn

Хүн амьдралдаа хэд хэдэн томоохон хөрөнгө оруулалтын шийдвэр гаргадаг. Гэхдээ таны хөрөнгө оруулж байгаа зүйл ирээдүйд, урт хугацаандаа танд хөрөнгө оруулалтын өгөөжөө өгдөг байх ёстой. Үл хөдлөх хөрөнгө нь тэр дундаа орон сууцны барилгад хөрөнгө оруулах нь ирээдүйдээ оруулж буй чухал шийдвэрүүдийн нэг. Тиймээс орон сууцад хөрөнгө оруулж буй нь гэр бүлийн хувьд тав тухтай, аз жаргалтай амьдрах боломжийг бүрдүүлэхээс гадна ямар үр өгөөжтэй байж болохыг дор дурдлаа.  

Үр хүүхэддээ үе залгамжлан үлдэх гол хөрөнгө

Үл хөдлөх хөрөнгө үр хүүхдүүдэд залгамжлан үлдэх амьдралд нь үнэ цэнэтэй хөрөнгө байдаг. Иймд өнөөдрийн төдийгүй хойч ирээдүй үеийнхний амьдралын хэрэгцээг хангахуйц хийц, төлөвлөлт, зохион байгуулалттай байхаар сонголтоо хийх нь зүйтэй.

Одоогоос 10, 20 жилийн өмнө Улаанбаатар хотод баригдсан ихэнх орон сууцны барилгууд цэвэр, бохир устай, дулаан гэр оронтой байх үндсэн хэрэгцээг л хангахад голчлон анхаарсан байдаг. Өнгөрсөн жилүүдийн нийгэм, эдийн засаг, технологийн дэвшлүүд, соёл иргэншлийн хурдтай хөгжлийг дагаж 

Хүүхэд тоглож наадах, биеийн тамираар хичээллэх орчин, ногоон байгууламж, худалдаа үйлчилгээ, дотоод ба гадаад зогсоол гэх мэт хүний амьдралд чухал хэрэгцээ, шаардлагууд бий. 30, 40, 50 жилийн дараах хойч үеийн тань амьдралын хэв маягт аль болох нийцэхүйц орон сууцыг сонгох нь ирээдүйдээ хийх чухал хөрөнгө оруулалт юм.

Ирээдүйн үнэ цэнэ

Орон сууц худалдан авах нь өдөр тутам гаргаж байдаг, үр дагавар нь богино хугацаандаа л гардаг шийдвэр огт биш. Гэвч дийлэнх хүмүүс тухайн орон сууцыг худалдаж авъя гэсэн шийдвэрийг сэтгэл хөдлөл болон өнөөдөр бодит харагдаж буй хүчин зүйлст л суурилан гаргаснаар алдах нь элбэг. Тиймээс худалдан авч буй орон сууцныхаа 10,20 жилийн дараах ирээдүйн үнэ цэнийг нь заавал тооцож үзэх  хэрэгтэй. Автомашин гэх мэт зарим  хөрөнгийн үнэ унаж байдаг бол үл хөдлөх хөрөнгийн үнэ цэнэ өсөх учиртай. Гэвч буруу үл хөдлөх сонговол эсрэгээрээ үнэ нь унаж болно. 

Орон сууцны үнийн өсөлт, бууралтад юу нөлөөдөг вэ?

Улс орны төдийгүй дэлхийн эдийн засгийн өсөлт бууралт гэх мэт макро орчны нөлөөллүүд бий. Гэвч тухайн үл хөдлөхөөс хамаарсан хүчин зүйлс олон байдгаас заримыг дурдвал:

  • Байршил. Хот төлөвлөлт, тэлэлт, дэд бүтцийн хөгжил тухайн байршлын үнэ цэнийн өсөлтөд нөлөөлнө. 
  • Барилгын чанар, хийц, материал, технологи уг барилга урт хугацаанд үнэ цэнээ хадгалахад чухал.
  • Хөршийн зэрэглэл. Орцондоо хогоо хаядаг, шөнө орой согтуу хөлчүү хүмүүс ихтэй, машин дээр сүү өргөдөг хөршүүд хотхоны зэрэглэлийг муутгадаг.
  • Менежмент. Хуримтлалын зарцуулалт тодорхойгүй, эвдрэл гэмтлээ засаж янзалж орчноо торддоггүй СӨХ-тэй хотхоны байрны үнэ унаж байдаг.
Эх сурвалж: info.ncd.mn
Мэдээнд өгөх таны үнэлгээ?
Like an post Love an post
haha an post
wow an post
yay an post
sad an post
ouch an post
confuse an post
angry an post
603449
2 эможи

keyboard_arrow_up