Arslan.mn

Хорвоо дээрхи амьд амтан бүхний чин хүсэл эрмэлзэлийн нэг бол АЗ ЖАРГАЛ-тай амьдрал. Гэхдээ бид АЗ ЖАРГАЛ-ыг холоос хайх нь элбэг. Гэтэл АЗ ЖАРГАЛ гэдэг зүйл бидний өдөр тутмын амьдрал дунд дэргэд минь л нуугдаж байдгийг мэддэггүй. Тэгвэл бид тэрхүү нуугдсан аз жаргалаа хэрхэн ил болгож АЗ ЖАРГАЛ-тай хүн болон хувирах вэ. Яг энэ асуултанд хариулт болгох үүднээс АЗ ЖАРГАЛ-тай хүний хэвшүүлбэл зохих 20-н дадалыг хүргэж байна.

• Хүнд хэцүү санагдах үед хүүхэд шиг аашла. Бүр айлын эрх хүүхэд шиг бай.
• Ямар нэг асуудлыг шийдэх гэж хэт их бодоод хэрэггүй
• “Хэнд би атаархдаг вэ” гэсэн асуултыг өөртөө тавь. Гадаад оронд аялдаг найздаа атаархдаг бол өөрөө аялах төлөвлөгөө гарга. Хоол сайн хийдэг эгчдээ атаархдаг бол хоолны хичээлд суух цаг ав.
•   Урьд өмнө тохиолдсон сайхан үйл явдлуудаа эргэн сана.
• Шинэ юм худалдаж аваад хэсэг зуур ч гэсэн таашаал эдлэ.
• Салхинд гарч, цэвэр агаарт зугаалах нь аз жаргалыг амсах бас нэгэн хэлбэр.
• Өөрийгөө хайрла. Алдаа гаргасан ч харамсалгүй, “туршлага боллоо” хэмээн өөдрөгөөр бод.
• Аз жаргалтай болох шилдэг арга бол бусдад аз жаргал бэлэглэх.
• Бусдыг аз жаргалтай болгох шилдэг арга бол өөрөө аз жаргалтай байх.
• Эерэг энергитэй хүмүүсээр өөрийгөө хүрээлүүл. Фэйсбүүкийн найзуудаасаа байнга гомдол тавьж, үглэдэг найзуудаа хас
• Байнга инээмсэглэ. Хөгжилтэй биш байсан ч инээдтэй зүйл бодоод инээхийг хичээ. Бид аз жаргалтай болохоор инээдэггүй, инээж байгаа болохоор аз жаргалтай байдаг.
• Жижиг зүйлд ч баярла. Том амжилт, гавьяа байгуулсан бол тэмдэглэх нь ойлгомжтой ч маш жижиг ололт, ялалтад ч баярлаж сурах хэрэгтэй.  
• Хүмүүст туслаж дэмж. Буян, хандивийн ажилд оролцох нь хүмүүст аз жаргал бэлэглэдэг. Сэтгэл судлалд “хүнд туслах кайф” гэсэн ойлголт бий. Ийм кайфтай хүн стресст орох нь бага байдаг.
• Эргэн тойрноосоо эерэг зүйлийг нь хардаг бай. Ингэснээр та эрүүл мэнд, аз жаргалыг сонгож байна гэсэн үг.
• Гар утас, интернэтээс хэсэг зуур холд. Тархи чинь амарч, эрч хүч орно.
• Спортоор хичээлэл. Фитнесс, йогоор хичээллэснээр хүн өөрийнхөө биеийг үнэлж, хайрладаг. Мөн хөлсөө гаргах нь аз жаргалын эндорфин гормон ялгаруулдаг.
• “Намайг хүмүүс юу гэж бодож байгаа бол” гэж хэзээ ч битгий бод.
• Аз жаргал гэдэг зорилго биш харин амьдралын хэв маяг юм.
• Хамгийн хүнд, хэцүү ажлаа хамгийн түрүүнд хий. Дараа нь гэж хойшлуулвал энэ ажлын дарамт бүтэн өдөр таныг дагана.
• Дуртай юмаа хийж, хүссэн хоолоо идэж, өөрийгөө эрхлүүлэх цаг гарга.