Arslan.mn

Талон хэвлэхэд ашигладаг термо цаасны бүтэцэд эм эстроген гормонтой адил бисфенол А (BPA) гэдэг хүний эрүүл мэндэд аюултай химийн бодис ордог болохыг Гранадын их сургуулийн судлаачид тогтоожээ.

BPA  нь хавдар, үргүйдэл, аутизм, чихрийн шижин, үр зулбалт зэрэг эрсдэл дагуулдаг гэж мэргэжилтнүүд үзжээ. Сонирхуулахад, бисфенол А нь хүнсний бүтээгдэхүүний сав суулгын дотор талыг бүрдэг эпоксидын давирхайд ч бас агуулагддаг гэнэ.Судлаачид Бразил, Испани, Францын нийтийн хоолны газар болон дэлгүүрийн талонуудыг шинжилгээнд хамруулжээ. Эхний хоёр орны талонуудад бисфенол-А бодис 90 хувьтай, Францынхад арай бага 50 хувьтай байжээ. Термоцаасыг ердийнхөөс ялгахад амар, халаахад л хурдан харладаг ажээ. Талонуудаас хурдан салж, гэртээ хураахгүй байхыг судлаачид зөвлөв.Судалгааны удирдагч Николас Олеа ярихдаа, талоныг хоол хүнснээс нэн ялангуяа мах загаснаас хол байлгаж,  хаяхын өмнө үнгэж нугачиж болохгүй, мөн автомашин, цүнхэнд хадгалж болохгүй гэжээ.