Arslan.mn

Нийгмийн эрүүл мэндийн үндэсний төвөөс Монгол хүнд тохирсон өглөөний цайны жорыг гаргаж байгаа билээ. Энэ удаад энгийн орцтой, бас нэгэн хэд хэдэн жорыг гаргасныг хүргэж байна.

Уг жор нь гурван ширхэг жимстэй боов, нэг аяга нэрсний шүүс, нэг ширхэг алимнаас бүрдэх бөгөөд нийт 492 ккал илчлэгийг авах юм.

Насанд хүрсэн хүн хоол хүнсээр авбал зохих хоногийн илчлэг нь дунджаар 2100-2500 ккал байна.

Хоногт авах илчлэгийг 100 хувь гэж тооцвол,

• Өглөө 20-25 хувь,
• Их, бага үдэд 10-15 хувь,
• Их үдэд 35-40 хувь,
• Орой 15-20 хувиас ихгүйг гэж тооцон авах ёстой юм.

Шимт бодисоор баялаг өглөөний цай нь хүний бие махбодыг хэрэгцээт тэжээлийн бодисоор хангаж, эрч хүчийг өгч, тархины үйл ажиллагааг сэргээж, ажлын бүтээмжийг дээшлүүлж, эрүүл мэндийг хэвийн байлгадаг тул та өглөөнийхөө цайг заавал ууж хэвшээрэй.