Дотоодын цэргийн байгууллагад 2026 оны нэгдүгээр ээлжийн татлагаар татагдан, цэргийн анхан шатны бэлтгэл сургалтад хамрагдсан хугацаат цэргийн алба хаагчдын "Цэргийн тангараг" өргөх ёслолын арга хэмжээ өнөөдөр (2026.06.17) Үндэсний цэцэрлэгт хүрээлэн дэх цагдаа, дотоодын цэргийн хүндэтгэлийн хөшөө, цогцолборт зохион байгуулагдлаа.

Ёслолын ажиллагаа нь Дотоодын цэргийн байгууллагын дайчин уламжлал, нэр төрийн бэлгэдэл болсон Байлдааны тугийг хүндэтгэн залснаар эхэлж, хугацаат цэргийн алба хаагчид эх орон, төр, ард түмэндээ үнэнчээр зүтгэхээ андгайлан цэргийн тангаргаа өргөлөө.

Арга хэмжээнд Цагдаагийн ерөнхий газрын дарга, Дотоодын цэргийн командлагч, хошууч генерал Ж.Болд, Дотоодын цэргийн штабын дарга, хурандаа Н.Лхагвасайхан, Цагдаагийн ерөнхий газрын Захиргааны удирдлагын газрын дарга, цагдаагийн хурандаа П.Батбаатар, Нийслэлийн цэргийн штабын дарга, хурандаа Г.Ялалт болон алба хаагч, ахмад ажилтан, хугацаат цэргийн алба хаагчдын ар гэрийн төлөөлөл зэрэг нийт 1500 гаруй хүн оролцов.

Ёслолын үеэр шинэхэн дайчид нэг сарын хугацаанд эзэмшсэн цэргийн мэдлэг, ур чадвараа танилцуулж, гардан тулаан, зэвсэгтэй болон зэвсэггүй жагсаалын үзүүлэх тоглолт, урлагийн тоглолтоо толилуулан дарга захирагчид, ар гэрийнхэндээ тайлагналаа.

Цэргийн тангараг нь эх орноо батлан хамгаалах ариун үүрэг, төр, ард түмнийхээ өмнө хүлээж буй нэр төрийн хариуцлагыг илэрхийлдэг бөгөөд хугацаат цэргийн алба нь залуу үеийг эх оронч үзэлтэй, сахилга баттай, тэсвэр хатуужилтай иргэн болгон төлөвшүүлэх чухал ач холбогдолтой юм.

Дотоодын цэргийн байгууллага хугацаат цэргийн алба хаагчдыг алба хаах хугацаанд нь мэргэжил эзэмшүүлэх, цагдаа, дотоодын цэргийн албанд ажиллах боловсон хүчнийг бэлтгэхийн зэрэгцээ нийгэмд эрэлттэй мэргэжлээр сургаж, жолоодох эрхийн А, В ангиллын сургалтад хамруулан залуусын ажил, амьдралын гарааг зөв эхлүүлэхэд бодит дэмжлэг үзүүлж байна.

Эх орныхоо өмнө хүлээсэн үндсэн үүргээ нэр төртэйгөөр биелүүлэхээр сонголтоо хийж, цэргийн анхан шатны бэлтгэл сургалтаа амжилттай дүүргэн цэргийн тангаргаа өргөсөн нийт хугацаат цэргийн алба хаагчдадаа халуун баяр хүргэж, цаашдын албанд нь өндөр амжилт хүсье.

Энэ сарын 16-нд Хөлбөмбөгийн ДАШТ-ийг найз нөхөдтэйгөө нэг дор мэдрэх TCL Асар нээлтээ хийгээд буй.

Тэгвэл Хөлбөмбөгийн ДАШТ-ийг тухлан үзэх боломжтой “ТСL асар“  өдөр бүр 17:00 цагаас эхэлж, үүрийн 06:00 цаг хүртэл ажиллаж байна.

Энэ зуны хамгийн шинэ цуглах цэг:

• Энтертайнмент
• Эвэнтүүд
• Амттай хоол
• Бүх төрлийн уух зүйлс

Нэг дор. Нэг мэдрэмж. Нэг зуны дурсамж.

Зуныг TCL Асарт ирж мэдрээрэй. 

Хаяг: Сүхбаатарын талбайн баруун талд Монтелийн гудамж

БНХАУ-ын Жюфэн нь орчин үеийн хүлэмжийн аж ахуй, хүнсний ногоо, жимс тариалалт эрхэлдэг хөдөө аж ахуйн компани бөгөөд Хуамао тосгоны хөгжлийн гол хөдөлгөгч хүчний нэг болсон байна.

Тус цогцолборт жимс, хүнсний ногоо, гоёл чимэглэлийн ургамлыг орчин үеийн технологийн дагуу тариалж, ургамал хамгаалал, усалгааны ухаалаг систем, чанарын хяналтын шийдлүүдийг нэвтрүүлсэн байна. 

Олон тосгоны иргэд газар нутгаа хамтын ажиллагааны хэлбэрээр ашиглуулж, компанид ажиллан цалин болон ногдол ашиг авдаг болсон. Тус аж ахуй нь орон нутгийн ядуурлыг бууруулах, ажлын байр бий болгох, орчин үеийн хөдөө аж ахуйг хөгжүүлэхэд чухал үүрэг гүйцэтгэжээ.

Хожим нь уг загвар өргөжин хөгжиж, ногооны тариалан, жимсний цэцэрлэг, агро аялал жуулчлал, бүтээгдэхүүн боловсруулах үйл ажиллагаатай нэгдсэн систем болсон байна.

Хуамао тосгон өөрөө өмнө нь ядуу, алслагдсан суурин байсан боловч орчин үеийн хөдөө аж ахуй, аялал жуулчлал, уламжлалт гар урлалыг хөгжүүлснээр орлоготой, жуулчин ихээр татдаг тосгон болж өөрчлөгдсөн байна.

Хуамао тосгон нь орчин үеийн хөдөө аж ахуй, аялал жуулчлалыг хослуулан хөгжүүлсэн тосгон юм. Тус тосгонд томоохон органик хүнсний үйлдвэрлэл явуулдаг хүлэмжүүд байгуулагдсан бөгөөд жимс, хүнсний ногоо жилийн турш тариалдаг.

Хүлэмжийн дотор:

• Органик хүнсний ногоо (улаан лооль, өргөст хэмх, навчит ногоо зэрэг) тариалдаг.
• Дуслын усалгааны систем ашигладаг.
• Температур, чийгшлийг автоматаар хянадаг.
• Аялал жуулчлалын зориулалтаар зочдод тариалалтын үйл явцыг үзүүлдэг.
• Орон нутгийн иргэдийг тогтвортой ажлын байраар хангадаг.

Хуамао тосгоны хөдөө аж ахуйн хоршоо нь хүлэмжийн аж ахуй, жимсний цэцэрлэг, задгай талбайн хүнсний ногооны үйлдвэрлэлийг нэгтгэн хөгжүүлж, тосгоны эдийн засгийн өсөлтөд чухал үүрэг гүйцэтгэж байна.

Хан-Уул дүүргийн хүн ам тогтмол өсөж байгаатай холбоотойгоор Цагдаагийн байгууллагын албан хаагчдын ачаалал нэмэгдэж, бүтэц, орон тоо өргөжиж буй.

Үүний зэрэгцээ өдөр тутмын ажил үүргээ хэвийн, шуурхай гүйцэтгэхэд шаардлагатай техник, тоног төхөөрөмжийн хэрэгцээ үүсээд байсныг бүрэн шийдвэрлэн Цагдаагийн газрын 1,2-р хэлтсийн алба хаагчдад хүлээлгэн өглөө.

Цаашид иргэдийн амар тайван, аюулгүй байдлыг ханган гэмт хэрэг, зөрчлөөс урьдчилан сэргийлэх чиглэлээр цаг наргүй ажиллаж буй алба хаагчдын үйл ажиллагааг дэмжин, үр дүнтэй, шуурхай ажиллах нөхцөлийг бүрдүүлэхэд онцгой анхаарна.

Байгаль орчин, уур амьгалын өөрчлөлтийн сайд Ц.Сандаг-Очир мэдээлэл хийлээ. 

Тэрээр "Ерөнхий сайд албан даалгавар гаргаж хайгуулийн болон ашиглалтын улмаас нөхөн сэргээгдэхгүй орхигдсон газруудад хяналт шалгалт хийж, хууль хэрэгжүүлэхийг үүрэг болгосон. Үүний дагуу Аж үйлдвэр, эрдэс баялгийн яам, Экологийн цагдаагийн газартай хамтран шалгалт явуулж байна.

Улсын хэмжээнд 54000 га газар уул уурхай олборлолт, зам, барилгын бүтээн байгуулалтаас болж эвдэж сүйдсэн гэсэн мэдээлэл бий. Эдгээр газрыг нөхөн сэргээхээр төлөвлөгөө боловсруулан ажиллаж байна" гэв. 

НӨАТ-ын сугалааны тохирол өнөөдөр явагдлаа.

Энэ удаагийн тохиролд 2026 оны тавдугаар сарын 1-31-ний хооронд худалдан авалт хийж, цахим системд бүртгүүлсэн 61,281,915 ширхэг баримтыг оролцуулсан юм.

Тохирлын дүн:

• 3 орон таарсан /30,000-60,000 төгрөг/:
• 55,665 4 орон таарсан /40,000-100,000/:
• 5,435 5 орон таарсан /60,000-500,000 төгрөг/: 561
• 6 орон таарсан /100,000- 5 сая төгрөг/: 31
• 7 орон таарсан /500,000- 10 сая/: 3
• 8 орон таарсан: 2 супер азтан тодорч 5-30 сая төгрөгийн эзэн болж байна.

Супер азтаны сугалааны тохирлын дугаар: 84570451

Засгийн газрын ээлжит хуралдаан 2026 оны зургаадугаар сарын 17-нд болж дараах асуудлуудыг хэлэлцэн шийдвэрлэлээ

 “Эрдэнэс Монгол”-ын  нэрийг “Чингис хаан баялгийн сан нэгдэл” гэж өөрчилж, төрийн өмчит 14 компанийг татан буулгав

“Эрдэнэс Монгол” нэгдлийн бүтэц, зохион байгуулалтыг оновчлох, зардлыг бууруулах, үр ашгийг нэмэгдүүлэх зорилгоор нэгдлийн харьяанд үйл ажиллагаа явуулж байгаа хуулийн этгээдийг хууль тогтоомжид нийцүүлэн өөрчлөн байгуулах, татан буулгах арга хэмжээ авах Засгийн газрын тогтоол батлагдлаа. 

Тус тогтоолоор “Чингис хаан үндэсний баялгийн сан”, “Эрдэнэс Метан” ХХК-ийг “Эрдэнэс Монгол” ХХК-д тус тус нэгтгэлээ. 

“Хөтөл энержи дулаан” ХХК-ийг “Цемент шохой” ХХК-д, “Шивээ сервис” ХХК-ийг “Шивээ овоо” ХК-д нэгтгэж, “Зэс боловсруулах цогцолбор”, “Дархан стийл”, “Багануур-илч” ХХК-ийг тус тус татан буулгалаа. 

“Эрдэнэс Монгол”  нэгдлийн харьяанд үйл ажиллагаа явуулж байгаа хамтарсан хөрөнгө оруулалттай “Эрдэнэт ойл”, “Монголын эрдэс баялгийн бирж”, “Эрдэнэс шивээ энержи”, “Шим технолоджи”, “Төв Азийн Уран”, “Гашуун сухайтын төмөр зам”, “Зөөхэрд” ХХК-ийг тус тус татах буулгахаар шийдвэрлэлээ. 

ТӨК-ийн шинэчлэлийг эхлүүлж, 14 компани татан буулгаснаар 260 орон тооны давхардал арилж, захиргааны зардал 10, түрээсийн зардал 30 хувь буурч, 67,3 тэрбум төгрөг хэмнэж байгааг Ерөнхий сайд Н.Учрал мэдэгдээд  “Эрдэнэс Монгол” нэгдэл Үндэсний баялгийн сангийн тухай хуульд заасан үндсэн чиг үүргээ хэрэгжүүлэх нөхцөл бүрдэж байгааг онцлов.

Мөн тус тогтоолоор “Эрдэнэс Монгол”-ын  нэрийг “Чингис хаан баялгийн сан нэгдэл” хязгаарлагдмал хариуцлагатай компани гэж, “Эрдэнэс критикал минералс” төрийн өмчит үйлдвэрийн газрын нэрийг “Монголросцветмет” гэж тус тус өөрчиллөө. “Эрдэнэс Монгол” нэгдлийн шинэчлэл, бүтцийн өөрчлөлтийн талаар авах арга хэмжээний тухай Засгийн газрын тогтоол батлагдсанаар нэгдлийн бүтэц, зохион байгуулалт, үйл ажиллагааны уялдаа сайжирч, чиг үүргийн давхардал арилах, хөрөнгө болон хүний нөөцийн ашиглалт оновчтой болох, төрийн өмчит компанийн засаглал, хяналт, хариуцлага, ил тод байдал бэхжих, Үндэсний баялгийн санд төвлөрөх орлогыг нэмэгдүүлэх нөхцөл бүрдэнэ гэж үзэж байна.

Иргэдийн санал, санаачилгыг авах "E-ZASAG" платформ хэрэглээнд нэвтэрлээ 

"E-ZASAG" платформ ашиглалтад орлоо. Мэдээ мэдээллийг ил тод байршуулна. Иргэд санал гаргаад, 20,000 санал авбал Засгийн газрын хуралдаанаар хэлэлцэнэ.

Засгийн газрын бүрэн эрхийн хүрээнд хамаарах нийтийн ашиг сонирхлыг хөндсөн асуудлыг төлөвлөх, боловсруулах, хэрэгжүүлэхдээ иргэдийн санал авах, хэлэлцүүлэх ажлыг Монгол Улсын Засгийн газрын цахим систем e-zasag.mn -ээр дамжуулан зохион байгуулах, байгууллагын вэб сайтдаа "e-zasag.mn" цэс үүсгэж, системийн холболт хийх арга хэмжээ авахыг Засгийн газрын гишүүд, аймаг, нийслэлийн Засаг дарга нар, агентлагийн дарга нарт даалгалаа.

Энэхүү систем нь 

• Иргэдийн санал, хүсэлт, санаачилгыг цахимаар хүлээн авах,
• Нийтийн хэлэлцүүлэг, санал асуулгыг ил тод зохион байгуулах,
• Иргэдийн оролцоонд суурилсан шийдвэр гаргах,
• Төр, иргэн, байгууллагын хамтын ажиллагааг сайжруулах,
• Иргэдийн саналын хэрэгжилт, шийдвэрлэлтийн явцыг нээлттэй мэдээлнэ.

COP17 бага хурлыг зохион байгуулах дэд хороодын ажлыг уялдуулах, бэлтгэл ажлыг эрчимжүүлэх үүрэг өглөө

Цөлжилттэй тэмцэх тухай НҮБ-ын конвенцын Талуудын 17 дугаар Бага хурал (COP17)-ыг зохион байгуулах Үндэсний хорооноос 2026 оны тавдугаар сарын II хагас болон зургаадугаар сарын эхний хагаст хийж гүйцэтгэсэн ажлын тайланг Байгаль орчин, уур амьсгалын өөрчлөлтийн сайд Ц.Сандаг-Очир танилцууллаа. 

Бодлого төлөвлөлт, олон улсын хамтын ажиллагаа, Хандив, тусламжийг төвлөрүүлэх, ивээн тэтгэгч, түншүүдтэй хамтран ажиллах, Иргэд, залуучуудын оролцоог хангах, Бүсчилсэн зөвлөлдөх уулзалтууд зохион байгуулах, Дэд бүтэц, бүтээн байгуулалт, Үйлчилгээ, аюулгүй байдал, Цахим үйлчилгээ үзүүлэх чиглэлээр зохион байгуулалтын талаар танилцууллаа.

Тухайлбал, цахим үйлчилгээ үзүүлэх чиглэлээр:

Бага хурал (COP17)-ын цэнхэр, ногоон бүсэд нэвтрэх гадаадын иргэдэд зориулсан цахим виз мэдүүлгийн системийн цонхыг www.unccdcop17.org вэбсайтад байршуулж, ашиглалтад оруулсан.

Хүлээн авагч улсын албан ёсны цахим хуудас www.unccdcop17.org-ийг нээж,  гадаадын төлөөлөгч, оролцогч болон зочдын байрлах буудал, тээвэр логистик, үзвэр үйлчилгээ, Монгол Улсаас авч хэрэгжүүлж буй арга хэмжээ, үйл ажиллагааг цахим хуудсаар түгээж эхлээд байна.

Үндэсний хорооны дэд хороодын нэгдсэн хуралдааныг зохион байгуулж, нийт 12 дэд хорооны удирдлага, гишүүд, нарийн бичгүүд, төлөвлөсөн ажил, гүйцэтгэл, тулгамдаж буй асуудлуудыг хэлэлцэж, тодорхой шийдвэрүүд гарч, цаг үеийн асуудлыг шуурхай шийдвэрлэж, дэд хороодын үйл ажиллагааг илүү уялдуулах, бэлтгэл ажлыг эрчимжүүлэх чиглэлийг дэд хороодын дарга нарт өгчээ.

Оюутолгойн зэсийн баяжмалыг гадаадад  гаргахыг зогсоох зорилгоор өнөөдөр "Эрс шинэчлэл" хөдөлгөөнийхөн Өмнөговь аймгийн хил дээрх Цагаанхад орчимд зам хаасан.

Уг асуудалтай холбогдуулан, Ерөнхий сайд Н.Учрал өнөөдрийн Засгийн газрын хуралдааны үеэр Хууль зүй, дотоод хэргийн сайдад үүрэг өглөө. 

Тэрбээр хууль тогтоомжийг хэрэгжүүлж, хуулийн дагуу үйл ажиллагаа явуулж байгаа аж ахуйн нэгжийн үйл ажиллагаанд хууль бус хориг саад хийгчдэд хариуцлага тооцох тухай тусгайлсан үүрэг өгсөн байна.

Оюу толгойн экспорт нэг өдөр зогсоход татварын орлого 5 тэрбумаар тасалдана. Тиймээс Оюу толгойн тээвэрлэлтийн замыг хаан, хууль бус саад хийж буй иргэдэд хариуцлага тооцохыг үүрэг болголоо.

​Шатрын ертөнцийн "Амьд домог" Магнус Карлсен болон Монголын Шатрын Холбооны Ерөнхийлөгч Г.Занданшатар нар нэг багт нээгдлээ.

Тэд шилдэг супер ододоос бүрдсэн "WR Team" багийнхантайгаа хамт Түргэн болон түргэвчилсэн шатрын Багуудын Дэлхийн Аваргад цахиур хагалахаар зөвлөлөө зангиджээ.

​Дэлхийн шилдэг удирдагчид болон Сүпер их мастеруудыг нэгтгэсэн энэхүү нүсэр бүрэлдэхүүн энэ удаагийн Дэлхийн Аваргаар ямар гайхамшгийг бүтээхийг харах л үлдлээ.

 Тэмцээний тов товч мэдээлэл:

 Хаана: Хонг Конг, Queen Elizabeth Stadium (Зүүн Азид анх удаа!)

​Хэзээ: 2026 оны 6-р сарын 16-наас 22-ны хооронд

​ Юу тоглох вэ: Эхлээд Рапид (6 сарын 17-19), дараа нь гал гарсан Блиц (6 сарын 20-21) тулаанууд явагдана.

​Багуудын дэлхийн аваргад Монголын шатрын холбооны удирдлага, дэлхийн №1 тамирчинтай нэгэн баг болж, дэлхийн тавцанд гарч буй түүхэн мөч!

Бүгдээрээ "WR Team" болон Монголын шатарчдаа халуун дулаанаар дэмжицгээе!

Энэхүү мэдээлэл нь иргэдийг гэмт хэрэг, зөрчлөөс урьдчилан сэргийлэх, иргэд, олон нийтэд Эрүүгийн хуульд заасан гэмт хэргийн талаарх ойлголт, хэргийн шийдвэрлэлтийг ойлгомжтой байдлаар мэдээлэх зорилготой.

Прокурорын байгууллага 2026 он гарсанаас хойш Эрүүгийн хуулийн 22 дугаар бүлэгт заасан Авлигын 140 хэрэгт яллах дүгнэлт үйлдэж, шүүхэд шилжүүлсэн байна.

Нийслэл болон Өвөрхангай аймгийн прокурорын газраас өнгөрсөн 7 хоногт буюу 2026 оны 6 дугаар сарын 15-ны өдрөөс 19-ний өдрүүдэд хахууль авах, хахууль өгөх, эрх мэдэл, албан тушаалын байдлаа урвуулан ашигласан, үндэслэлгүйгээр хөрөнгөжсөн, мөнгө угаасан гэмт хэрэгт буруутгагдсан 9 хүнд холбогдох 5 хэргийг анхан шатны шүүхээр хянан шийдвэрлүүлж, шүүхээс 9 хүнийг авлигын гэмт хэрэг үйлдсэн гэм буруутайд тооцож, хуульд заасан эрүүгийн хариуцлага оногдуулсан байна.

Тодруулбал: 2 хүнд 2 жилээс 6 жил, 9 сарын хугацаатай хорих ял, 4 хүнд зорчих эрхийг хязгаарлах ял, 2 хүнд торгох ял, 1 хүнийг хөөн хэлэлцэх хугацаа дууссан үндэслэлээр эрүүгийн хариуцлагаас чөлөөлсөн.

Шүүхээр шийдвэрлүүлсэн хэргүүдээс тоймлон хүргэж байна.

Нийслэлийн прокурорын газраас

• Ц.Д нь нийтийн албан тушаалтан буюу “Эрдэнэт үйлдвэр” ТӨҮГ-ын ерөнхий захирлаар ажиллаж байхдаа эрх мэдэл, албан тушаалын байдлаа урвуулан ашиглаж, холбогдох хууль тогтоомжийг зөрчиж, тус үйлдвэрийн зөвлөлийн зөвшөөрөлгүйгээр 2015 оны 6 дугаар сарын 24-ний өдөр “А...” ХХК-тай “Эрдэнэт үйлдвэр” -т илт ашиггүй гэрээ байгуулсны улмаас Эрдэнэт үйлдвэрт 2017 оны 11 дүгээр сарын 30-ны өдрөөс 2024 оны 5 дугаар сарын хугацаанд нийт 138 тэрбум төгрөгийн орлого олох боломжийг алдагдуулж, улсын ашиг сонирхолд хүнд хор уршиг учруулсан;
• 2015 оны 9 дүгээр сарын 25-ны өдөр “Эрдэнэт үйлдвэр” ТӨҮГ-ын 100 хувийн хөрөнгө оруулалтаар баригдсан “Эрдэнэт Медикал” эмнэлгийг “М...” ХХК-д шилжүүлэн өгөх ерөнхий болон дэд гэрээнүүдийг тус тус байгуулж, 64 тэрбум төгрөгийн үнэ бүхий үндсэн хөрөнгөтэй эмнэлгийг “М...” ХХК-д шилжүүлж, улсад 64 тэрбум төгрөгийн хохирол учруулсан хэрэгт нь Эрүүгийн хуулийн 22.1 дүгээр зүйлийн 2 дахь хэсэг;
• Мөн Ц.Д нь “Эрдэнэт үйлдвэр” ТӨҮГ-ын ерөнхий захирлаар ажиллаж байхдаа бусдаас 461 мянган америк доллар (896,586,870.6 төгрөг)-ыг шилжүүлэн авч, үндэслэлгүйгээр хөрөнгөжсөн хэрэгт Эрүүгийн хуулийн 22.10 дугаар зүйлийн 1 дэх хэсэг;
• гэмт хэргийн улмаас олсон 461 мянган америк доллароор АНУ-д үл хөдлөх хөрөнгө худалдан авч, хууль ёсны бизнесийн орлогод оруулан эх үүсвэрийг нуун далдалж мөнгө угаасан хэрэгт Эрүүгийн хуулийн 18.6 дугаар зүйлийн 2 дахь хэсгийн 2.3 дахь заалтад зааснаар яллах дүгнэлт үйлдэж шүүхэд шилжүүлсэн. 

Шүүхээс Ц.Д-г нийтийн албан тушаалтан албаны эрх мэдэл албан тушаалын байдлаа урвуулан ашигласан, үндэслэлгүйгээр хөрөнгөжсөн, мөнгө угаасан гэсэн 3 төрлийн гэмт хэрэг үйлдсэн гэм буруутайд тооцож, нийтийн албанд ажиллах эрхийг 7 жилээр хасаж, 6 жил, 9 сарын хугацаагаар хорих ял оногдуулж, уг ялыг нээлттэй хорих байгууллагад эдлүүлэхээр, үндэслэлгүй хөрөнгөжсөн 896 сая төгрөгийг албадан гаргуулж, улсын орлого болгох, мөн хэрэг хянан шийдвэрлэх ажиллагааны зардалд 43,2 сая төгрөгийг төлүүлэхээр,

“А...” ХХК-иас 110 тэрбум төгрөгийг гаргуулж, “Эрдэнэт үйлдвэр” ТӨҮГ-т олгохоор тус тус шийдвэрлэсэн.

Б.Г нь нийтийн албан тушаалтан буюу Дархан-Уул аймаг дахь Онцгой байдлын газрын Улсын нөөц хүмүүнлэгийн тусламжийн салбар ангийн даргаар ажиллаж байхдаа үрийн буудайн нярав Ц.А-тай бүлэглэн албан тушаалын байдлаа урвуулан ашиглаж, 2015 оны 5 дугаар сарын 01-ний өдрөөс 2015 оны 05 дугаар сарын 04-ний өдрийн хооронд нөөцийн агуулахаас 80 сая төгрөгийн үнэ бүхий 89 тонн улаан буудайн үрийг гэрээ, хэлцэл, төлбөр тооцоо хийгээгүй “Ө...” ХХК-д хууль бусаар шууд олгож, тайлан, мэдээ, данс бүртгэлд бодитоор байгаа мэтээр тусгуулж, бусдад давуу байдал олгож, улсад 80 сая төгрөгийн хохирол учруулсан;  

- мөн зохих шийдвэргүйгээр, 2017 оны 5 дугаар сарын 01-ний өдөр “Ж...” ХХК-д 40 тонн улаан буудайн үр олгохоор гэрээг дангаараа бие даан байгуулж, улаан буудайн үрийг олгож, бусдад давуу байдал бий болгон улсад 21,3 сая төгрөгийн хохирол учруулсан буюу бусдад нийт 101,4 сая төгрөгийн хохирол учруулсан хэрэгт Эрүүгийн хуулийн 22.1 дүгээр зүйлийн 2 дахь хэсэг (Эрх мэдэл албан тушаалын байдлаа урвуулан ашиглах)-т зааснаар яллах дүгнэлт үйлдэж, хэргийг шүүхэд шилжүүлсэн.

Шүүхээс Б.Г-г нийтийн албан тушаалтан 2 удаагийн үргэлжилсэн үйлдлээр  албаны эрх мэдэл, албан тушаалын байдлаа урвуулан ашигласан гэмт хэрэг үйлдсэн гэм буруутайд тооцож, нийтийн албанд ажиллах эрхийг 4 жилийн хугацаагаар хасаж, 3 жилийн хугацаагаар зорчих эрхийг хязгаарлах ял,

Ц.А-г мөн дээрх гэмт хэрэг үйлдсэн гэм буруутайд тооцож, нийтийн албанд ажиллах эрхийг 2 жилийн хугацаагаар хасаж, 1 жил, 6 сарын хугацаагаар зорчих эрхийг хязгаарлах ял тус тус оногдуулж шийдвэрлэсэн.

- Б.Б нь Баянзүрх дүүргийн 28 хороонд байрлах өөрийн хувийн орон сууцны үл хөдлөх хөрөнгийн гэрчилгээг хурдан хугацаанд гаргуулах ашиг сонирхлын үүднээс 2024 оны 8 дугаар сарын 27-ны өдөр тус дүүргийн улсын бүртгэгч Д.А-н албаны чиг үүрэг, бүрэн эрх, албан тушаалын байдалтай нь холбогдуулан түүний дансанд 100 мянган төгрөг шилжүүлж хахууль өгсөн хэрэгт Эрүүгийн хуулийн 22.5 дугаар зүйлийн 1 дэх хэсэгт зааснаар яллах дүгнэлт үйлдэж, хэргийг шүүхэд шилжүүлсэн.

Шүүхээс Б.Б-г хахууль өгөх гэмт хэрэгт үйлдсэн гэм буруутайд тооцож, нийтийн албанд ажиллах эрхийг 2 жилийн хугацаагаар хасаж, 2,7 сая төгрөгөөр торгох ял оногдуулж шийдвэрлэсэн. 

Өвөрхангай аймгийн прокурорын газраас

- Г.С нь  нийтийн албан тушаалтан буюу Өвөрхангай аймгийн Уянга сумын ИТХ-ын даргаар ажиллаж байхдаа албаны эрх нөлөөг ашиглаж, шууд удирдлагадаа ажиллаж байсан ИТХ-ын нарийн бичгийн дарга П.О-д хууль бусаар нөлөөлж, 2023 оны 6 дугаар сарын 03-ны өдрөөс мөн оны 8 дугаар сарын 18, 2024 оны 2 дугаар сарын 10-наас мөн оны 4 дүгээр сарын 19-нийг хүртэлх хугацаанд БНСУ руу хувийн ажлаар явсан атлаа ажил, албан үүргээ гүйцэтгэсэн мэтээр ажилласан цагаар тооцуулж, 7,8 сая төгрөгийн илүү цалин авч, өөртөө давуу байдал бий болгосон хэрэгт Эрүүгийн хуулийн 22.1 дүгээр зүйлийн 1 дэх хэсэгт зааснаар яллах дүгнэлт үйлдэж, хэргийг шүүхэд шилжүүлсэн.

Шүүхээс Б.С-ийг нийтийн албан тушаалтан албаны эрх мэдэл, албан тушаалын байдлаа урвуулан ашигласан гэмт хэрэг үйлдсэн гэм буруутайд тооцож нийтийн албанд ажиллах эрхийг 2 жил, 3 сараар хасаж, 1 жил, 3 сарын хугацаагаар зорчих эрхийг хязгаарлах ял,

П.О-г мөн дээрх гэмт хэрэг үйлдсэн гэм буруутайд тооцож, нийтийн албанд ажиллах эрхийг 2 жилээр хасаж, 1 жил, 1 сарын хугацаагаар зорчих эрхийг хязгаарлах ял тус тус оногдуулж шийдвэрлэсэн.

 

Отгонтэнгэр хайрхны тэнгэрийг тахих төрийн тахилгын ёслол өнөөдөр (2026.06.17) болж байна. Уг төрийн тахилгын ёслолд Ерөнхийлөгч У.Хүрэлсүх хүрэлцэн очжээ.

Ёслолд оролцох иргэдэд зориулж өнөөдөр үүрийн 04:00 цагаас хамгаалалтын зурвасыг нээсэн. Завхан аймгийн цагдаагийн газраас тахилгын үеийн нөхцөл байдлын гэрэл зургийг нийтэлжээ. 

Тахилгын хамгаалалт, зохицуулалтад 127 алба хаагч, автомашинтай болон морьт эргүүл үүрэг гүйцэтгэж байна. 

Төрийн өмчит 14 компанийг татан буулгажээ.

Тодруулбал: 

“Шивээ сервис” компанийг “Шивээ-Овоо” ХК-д нэгтгэлээ. “Хөтөл энержи дулаан”-ыг “Цемент шохой”-той нийлүүлж 1 компани болгоно. Ингээд:

1. Зэс боловсруулах цогцолбор,
2. “Дархан стийл”,
3. “Багануур илч”
4. “Эрдэнэт ойл”,
5. “Монголын эрдэс баялгийн бирж” ,
6. “Эрдэнэс шивээ энержи”
7. “Шим технологи”,
8. “Төв Азийн уран”,
9. “Гашуунсухайтын төмөр зам”,
10. “Зөөхэрд” зэрэг компанийг татан буулгахаар шийдвэрлэжээ. 

Мөн “Чингис хаан баялгийн сан нэгдэл” гэдэг нэрийн дор “Эрдэнэс Монгол”, Чингис хаан баялгийн сан” менежментийн компанийг нэгтгэх аж. 

Энэ талаар Ерөнхий сайд Н.Учрал “Дарга нарын тоог цөөлж, давхардсан 260 орон тоог цомхотгон 67.3 тэрбум төгрөг хэмнэлээ. Өнөөдрөөс эхлэн "Эрдэнэс Монгол" нэгдэл "Чингис хаан үндэсний баялгийн сан" нэгдэл болж байна. Хуульд заасны дагуу уурхайн бус хөрөнгийн удирдлагын компани боллоо. Чөдөр тушааг чөлөөлөх "Чөлөөлье" санаачилга үргэлжилж байна” гэв.

Монгол Оросын хилийг хамтран шалгах ажлын хүрээнд Минжийн хилийн хэсэгт инженерийн бүлэгт үүрэг гүйцэтгэж байсан хилчин төөрчээ. Энэ тухай мэдээллийг ОБЕГ хүлээж авмагц эрэн хайх ажиллагааг шуурхай зохион байгуулсан байна.

Эрэн хайх ажиллагаанд Хил хамгаалах байгууллага, Онцгой байдлын байгууллагын алба хаагчид оролцож, төөрсөн алба хаагчийг 48 цагийн дараа эсэн мэнд оллоо.

Тус эрэлд Онцгой байдлын ерөнхий газар болон Агаараас эрэн хайх, аврах 111 дүгээр ангийн алба хаагчид оролцжээ.

Улсын баяр наадмаар 7-р сарын 10-15-ны хооронд 6 хоног амарна.

Энэхүү 6 өдрийн 4 нь ажлын өдөр, 2 нь амралтын өдөр таарч байгаа юм.

“Олон улсын худалдаа, логистикийн төв” ХК буюу 22-ын Авто худалдааны цогцолбор нь Сонгинохайрхан дүүрэг 32 дугаар хороонд Автомашин, худалдаа үйлчилгээний талбайн түрээсийн үйл ажиллагаа явуулдаг нийслэлийн өмчит хувьцаат компани юм. Kомпанийн Гүйцэтгэх захирлаар С.Бямбасүрэн 2025 оны 03 дугаар сард томилогдсон.

Гэтэл “Нийслэлийн 2024-2026 оны төсвийн зарцуулалт, хөрөнгө оруулалтын төслүүдийн хэрэгжилт холбогдох хууль тогтоомжид нийцсэн байдал”-ын Ерөнхий хяналтын сонсголын үеэр тус төвийн ТУЗ-ын дарга, гишүүдэд олгосон цалин урамшуулал олны шүүмжлэлийг дагуулж буй.

Тодруулбал, "Олон улсын худалдаа, логистикийн төв"-ийн ТУЗ-ийн дарга, гишүүд болох НИТХ-ын төлөөлөгч Б.Ану-Үжин, Э.Хулан, Б.Эрдэнэтуяа, Г.Батбаяр, Ү.Ганболд, Ш.Алтансоёмбо нар нийт 166 саяын цалин, урамшуулал авчээ.

“Олон улсын худалдаа, логистикийн төв” ХК-ний ТУЗ нь 9 хүний бүрэлдэхүүнтэй бөгөөд Цалин урамшуулалын хороо зэрэг нийт 3 хороотой үйл ажиллагаа явуулдаг байна.

Тэгвэл тус төвийн Гүйцэтгэх захирлаар С.Бямбасүрэнгийн 2024 онд АТГ-т шинэчлэн мэдүүлсэн ХОМ-ийг хүргэж байна.

Тэрээр "Олон улсын худалдаа, логистикийн төв"-ийн дарга болсноор орлого нь 1,9 тэрбум төгрөгөөс 39 сая төгрөг болж буурчээ.  2022 онд Замын хөдөлгөөний удирдлагын төвийн хэлтсийн даргаар ажиллахдаа 1,9 тэрбум төгрөгийн орлоготой байжээ.

Тэрбээр мэдүүлэгтээ:

Өөрийн орлого: ₮39 сая
Гэр бүлийн орлого: ₮1,6 сая
Хөрөнгө борлуулсны орлого: ₮347 сая
Орон сууц барилга байгууламж: ₮382 сая  /Орон сууц-3/
Тээврийн хэрэгсэл: ₮301 сая  /Toyota, Land Criuser 300, Toyota, Toyota Prius XW50 маркийн нийт 2 тээврийн хэрэгсэлтэй/
Мал аж ахуй: ₮0 сая
Газар: ₮5 сая /Эзэмших-697м2-1, Эзэмших-700м2-2/
Үнэт эдлэл, урлаг, түүхийн үнэт зүйл: ₮0 сая
Хадгаламж: ₮7 сая 
Авлага: ₮0 сая
Зээл:  ₮11 сая гэж мэдүүлжээ.

Отгонтэнгэр хайрхны тэнгэрийг тахих төрийн тахилгын ёслол өнөөдөр (2026.06.17) болно. Тахилгын албан ёсны хөтөлбөрийг танилцуулж байна.

Мөн Завхан аймгийн ЗДТГ-аас ёслолын үед мөрдөх санамжуудыг боловсруулжээ.

Түүнчлэн тахилгын үеэр аймгийн Нэгдсэн эмнэлгийн эмч, эмнэлгийн мэргэжилтнүүдийн баг тусламж, үйлчилгээ үзүүлэн ажиллаж буй аж. Иргэдийн эрүүл мэндтэй холбоотой яаралтай асуудал гарвал 95503103 дугаарт холбогдох боломжтой юм байна.

Өчигдөр буюу зургаадугаар сарын 16-нд Туул голд гурван иргэн осолдож амиа алджээ. 

Баянзүрх дүүргийн 20 дугаар хороонд Туулд голд хүн живсэн дуудлага 14:44 цагт ирсэн байна. Дуудлагын дагуу Аврах ангийн алба хаагчид эрэн хайх ажиллагааг шуурхай зохион байгуулж, 22 настай эрэгтэйг нас барсан байдалтай олж холбогдох байгууллагад хүлээлгэн өгчээ. 

Мөн Хан-Уул дүүрэг 9 дүгээр хороонд Туул голд хоёр иргэн живсэн дуудлага мэдээллээр Аврах ангийн алба хаагчид очсон байна. Улмаар 20-51 настай хоёр иргэнийг нас барсан байдалтай олж холбогдох байгууллагад хүлээлгэн өгчээ. 

Гол, усны ойролцоо зорчихдоо бага насны хүүхдийг хараа, хяналттай байлгах, согтууруулах ундааны зүйл хэрэглэсэн үедээ гол усанд орохгүй байх, баталгаат зам гүүрээр зорчихыг нийслэлийн Онцгой байдлын газраас анхааруулж байна. 

УИХ-ын чуулганы ээлжит бус нэгдсэн хуралдаан өнөөдөр /2026.06.17/ 14.00 цагт болно.

Хуралдаанаар  УИХ-ын тухай хуульд нэмэлт, өөрчлөлт оруулах тухай хуулийн төслийг хэлэлцэнэ.

Засгийн газрын 25-р хуралдаан үргэлжилж байна.

Хуралдаанаар дараах асуудлыг хэлэлцэж байна.

• Стандартчилал, техникийн зохицуулалт тохирлын үнэлгээний итгэмжлэлийн тухай хуулийн шинэчилсэн найруулгын төсөл,
• “Эрдэнэс Монгол” нэгдлийн шинэчлэл, бүтцийн өөрчлөлтийн талаар авах арга хэмжээний тухай” Засгийн газрын тогтоолын төсөл
• Монгол Улсын 2025 оны нэгдсэн төсвийн гүйцэтгэл, Засгийн газрын 2025 оны санхүүгийн нэгтгэсэн тайлан болон  Монгол Улсын 2025 оны төсвийн гүйцэтгэл батлах тухай” Улсын Их Хурлын тогтоолын төсөл
• Онцгой албан татварын тухай хуульд нэмэлт, өөрчлөлт оруулах тухай хуулийн төсөл болон уг хуулийн төсөлтэй холбогдуулан боловсруулсан бусад хууль тогтоомжийн төсөл
• Олон улсын гэрээний тухай хуульд Монгол Улсын Их Хурлаас соёрхон баталсан гэрээний хэрэгжилтийн тайлангийн тухай
• "Хөрөнгө гаргах тухай” Засгийн газрын тогтоолын төсөл /Монгол Улсын төр, нийгмийн нэрт зүтгэлтэн, 13 дахь Ерөнхий сайд Ж.Батмөнхийн мэндэлсний 100 жилийн ойг 2026 онд тэмдэглэн өнгөрүүлэх/ хэлэлцэхээр байна.
• Монгол Улсад уул уурхайн хөрөнгө оруулалт татах боломжтой эдийн засгийн үр ашигтай төслүүдийн талаар
• Бүсийн хөгжлийн зорилтот хөтөлбөрийн төсөл боловсруулах ажлын явцын талаар
• Монгол Улсын Засгийн газрын гадаад зээл, тусламжийн хөрөнгөөр 2025 онд хэрэгжүүлсэн төсөл, арга хэмжээний хяналт-шинжилгээ, үнэлгээний тайлангийн талаар
• Цөлжилттэй тэмцэх тухай НҮБ-ын конвенцын Талуудын 17 дугаар Бага хурал (СОР17)-ыг зохион байгуулах бэлтгэл ажлын явцын талаар
• Нөхөн сэргээлтийн талаар авч хэрэгжүүлэх зарим арга хэмжээний талаар Ц.Сандаг-Очир -Ажлын хэсгийн санал, дүгнэлтийн талаар /Төрийн өмчит хуулийн этгээдийн эзэмшилд байгаа алтны ордуудыг эдийн засгийн эргэлтэд оруулах хувилбаруудыг судлан, санал дүгнэлт боловсруулах үүрэг бүхий Ажлын хэсэг-Хойд бүргэд алтны үндсэн орд/
• “Иргэдийн санал, санаачилгыг хүлээн авах Монгол Улсын Засгийн газрын цахим систем (e-zasag.mn)”-ийн талаар,
• Сэргээгдэх эрчим хүчний чиглэлээр 2007 оноос хойш байгуулсан цахилгаан эрчим хүч худалдах, худалдан авах гэрээнүүдийн хэрэгжилтэд хийсэн хяналт шалгалтын талаар хуралдаанд танилцуулах төлөвлөгөөтэй байна.

Отгонтэнгэр хайрхны тэнгэрийг тахих төрийн тахилгын ёслол өнөөдөр (2026.06.17) болно.

Өчигдөр Хаан тэнгэрийн "ДОЛООН БУРХАН" одыг газарт буулгаж тахих ёслол болсон бөгөөд энэ үеэр 80 гаруй мянган цугларсан байгаа аж.