Arslan.mn

Реппэр A$AP Роки өнгөрсөн долоо хоногт найз бүсгүйгээ хуурсан тухай цуурхалд өртсөн. Уг цуу ярианаас зугтаан Рианнагийн хамтаар Барбадос руу явсан түүнийг өнөөдөр цагдаа нар баривчилжээ.

Калифорнийн нисэх онгоцны буудалд өнөөдөр буусан түүнийг үхлийн аюултай зэвсэг хэрэглэн танхайрсан хэрэгт буруутгаж байгаа аж. 

A$AP Роки өнгөрөгч 11-р сарын 6-нд болсон буудалцаанд оролцсон нь тогтоогдсон бөгөөд цагдаа нар "Хоёр танил хоорондоо маргалдаж, улмаар нэг нь гар буугаар буудсан бөгөөд сэжигтэн өөр хоёр эрэгтэйн хамтаар хэргийн газраас оргон зайлсан" хэмээн мэдээлжээ. 

Тэрээр 2019 онд хар тамхинд донтсон этгээдүүдтэй гудамжинд зодолдсон хэргээр Шведэд баривчлагдаж нэг сар хугацаанд хоригдож байсан. Шоронгоос гарч ирснийхээ дараа "Маш хэцүү бөгөөд даруухан туршлага байлаа" хэмээж байсан Рокиг энэ удаад хэрхэн шийтгэх нь тодорхойгүй байна.