Английн шигшээ эхний тоглолтоороо ДЭЭД АМЖИЛТ тогтоожээ
Англичуудын Ираны хаалганд оруулсан зургаа дахь гоолын эзэн нь Жек Грилиш болсон юм. Түүний гоолын өмнө англичууд 35 дамжуулалт хийсэн нь энэ үзүүлэлтийг тооцож эхэлсэн 1966 оны ДАШТ-ээс хойших дээд амжилт болсон тухай Opta Sports мэдээлэв.
Катарын 2022 оны ДАШТ-ний эхний тоглолтдоо англичууд зургаан гоол Ираны хаалганд оруулсны эзэд нь Жуд Беллингем, Букайо Сака (хоёр удаа), Рахим Стерлинг, Маркус Рэшфорд,Жек Грилиш нар байв. Ираны багийн хоёр бөмбөгийг Мехди Тареми эсрэг хаалганд оруулсан юм.
Мөн Англи- Ираны тоглолт тэмцээний үндсэн цаг нь хамгийн удаан үргэлжилсэн өрсөлдөөн болов. Ерөнхий шүүгч нь тоглолтын эхний хэсэгт 14 минут, хоёр дахьд нь 10 минутыг нэмсэн бол тоглолт 117 минут, 16 секундэд дуусчээ. Үүний өмнөх дээд үзүүлэлт 1994 онд БНСУ ба Боливи (103 минут 56 секунд) хоёрын тоглолт байв.