Arslan.mn

Олон Улсын сагсан бөмбөгийн холбоо буюу FIBA-аас дэлхийн шигшээ багуудын чансааг шинэчлэн гаргалаа. Шинэчилсэн чансаагаар Монголын шигшээ баг дэлхийд 106, Азид 22-т бичигдсэн байна.

Дэлхийн чансаанд бичигдэлгүй удаан хугацааг өнгөрүүлсэн Монголын шигшээ баг өнгөрсөн долоо хоногт FIBA-ын 2025 оны Азийн аварга шалгаруулах тэмцээний урьдчилсан нэгдүгээр шатны тоглолтоо хийсэн.

Шигшээ баг Малайз, Таити, Вьетнамыг хожин Тайландад хожигдсоноор хэсгийн хоёрдугаар байраар дараагийн шатанд шалгараад байсан юм.

Улмаар 81.8 оноотойгоор Азийн чансаанд Малайз, Сингапур, Хонконг, Вьетнам, АНЭУ-ын дээр дэлхийн чансаанд Азербайжан, Ямайк, Өмнөд Африкийн дээр бичигдэв.