Марафонч Б.Сэр-Од 26 дугаар, Ц.Бямбажав 42 дугаар байрт шалгарлаа Марафонч Б.Сэр-Од 26 дугаар, Ц.Бямбажав 42 дугаар байрт шалгарлаа
COVID-19 7 хоногийн тойм -22°C 2639.86 ₮
03 сарын 29, Баасан
Өнөөдөр

Arslan.mn

Марафонч Б.Сэр-Од 26 дугаар, Ц.Бямбажав 42 дугаар байрт шалгарлаа

2022 оны 7 сарын 18

Arslan.mn

"Орегон-2022" Хөнгөн атлетикийн ДАШТ-ий марафон гүйлтийн эрэгтэйчүүдийн төрөлд Монголын 3 тамирчин оролцож, гавьяат тамирчин Б.Сэр-Од 2:11:39 амжилтаар 26 дугаар байр, ОУХМ Ц.Бямбажав 2:14:44 амжилтаар 42 дугаар байрт тус тус орлоо.

Харин ОУХМ Д.Гантулга 30 гаруй км туулсны дараа замаас гарч, барианд орж чадсангүй. Цаг агаар үүлэрхэг , харьцангуй сэрүүвтэр, цельсийн 16 градус дулаан, 79 хувийн чийгшилтэй  байсан ч 33 орны 63 тамирчин гараанаас гарч 54 нь барианд орлоо.

Марафоны амжилт ганц цагаар агаараас бас хамааралтай биш гэдгийг харуулсан жишээ энэ удаагийн ДАШТ болов. Тухайн замын онцлог, хамт гүйж буй тамирчдын хэмнэл, өөрийн хэмнэлээ алдахгүй байх, хугацаа, зайгаа хуваарилах, бусдын хэмнэлийг алдагдуулахад зүгээр л гүйгээд байх биш тархиндаа "шатар тоглож" явах хэрэгтэй болдог гэдгийг батлан харууллаа.

Тэр олон километр замыг өндөр жигд хурдтай туулаад ирж байхдаа уух усны цэгийн хажуугаар усаа шүүрч авах боломжгүй шахуу л дайраад өнгөрч байна гэхээр бас ямар их хүч, хурд шавхаж гүйж байгааг нотолж байгаа юм.

Өнөөдрийн марафоны цагийн хувьд их өндөр буюу богино хугацаа зарцуулсан  гэдгийг тамирчдын барианд орсон цаг харуулсан байна. Олимп, дэлхий, томоохон марафонд 2 цаг 10 минут дотор гүйхэд эхний 10-т бараг л ороод ирдэг. Гэтэл энэ удаа 2 цаг 10 минут гүйсэн хүн, арай гэж эхний 20-д багтаж байлаа.

Уралдааны эхний хоёр байрт Этиофийн марафончид барианд орлоо. Тамират Тола 2:05:36 гүйж, ДАШТ-ий рекордыг /дэлхийн рекорд биш, тус тэмцээний/  шинэчлэв. Мөнгөн медалийг М. Геримеу 2:06:48 амжилтаар, хүрэл медалийг Бельгийн Башир Абди 2:06:48 амжилтаар хүртлээ гэж АНУ-аас спортын сэтгүүлч Ц.Энхтүвшин /Таван цагариг сонин/ мэдээллээ.

Мэдээнд өгөх таны үнэлгээ?
Like an post Love an post
haha an post
wow an post
yay an post
sad an post
ouch an post
confuse an post
angry an post
638671
0 эможи

keyboard_arrow_up