“Талын шуурга“ Д.Батгэрэл аваргын бүсийн төлөөх тэмцээнд ялагдлаа
UFC холбооны аваргын бүсийн төлөөх 275 дахь тэмцээн өнөөдөр 06:00 цагт эхлэв. Тэмцээний гол тулаануудын нэг нь Монголын тулаанч Д.Батгэрэл Өмнөд Солонгосын тулаанч Кьюн Хо Кан нарын хооронд болсон юм. Тулаанп "Талын шуурга" Д.Батгэрэл гурван үеийн турш цохилтоор илүүрхсэн болов ч гурван шүүгчийн нэгдсэн саналаар ялагдал хүлээлээ. Ингэснээр Д.Батгэрэлийн ялалт ялагдлын харьцаа 12-4 болсон бол өрсөлдөгч Кьюн Хо Каных 18-9 болов.
Кьюн Хо Кан нь UFC 275-д Саймон Оливейратай тулалдах байсан ч цуцлагдаж Монголын тулаанчтай учраа таарчээ. 34 настай туршлагатай тулаанч хамгийн сүүлд 2021 оны арваннэгдүгээр сард Бразилын Рани Яахад ялагдаад байсан юм.
Харин Д.Батгэрэлийн хувьд өнгөрсөн гуравдугаар сард АНУ-ын Крис Гутерезт ялагдаад байв. Хоёр тулаанч хоёул Брэндон Дэвис, Гуидо Каннетти нарыг ялсан удаатай.