Arslan.mn

"Nike" компани орчин үеийн технологид суурилсан, өөрөө үдээсээ чангалж, сулладаг "Nike Adapt BB" нэртэй сагсан бөмбөгийн пүүзээ худалдаанд гаргасан байна.

"Nike Adapt BB" нь өнгөрсөн сард АНУ-д $350-аар худалдаалагдаж эхлэсэн бөгөөд  өөр дээрээ удирдах товчтойгоос гадна гар утасны аппликэшнтэй аж.

Шинэ пүүзний батарей 10-14 хоног ажиллах бөгөөд хугацаа нь пүүзийг хэр олон удаа өмсөж, тайлахаас хамаарна.

Пүүзийг дагалдаж, цэнэглэгч тавцан ирж байна. Өөрөөр хэлбэл пүүзний батарейг цэнэглэхийн тулд уг тавцан дээр тавиад орхиход л болох юм.

Аппликэшн хэрэглэлгүйгээр пүүзний хажууд байрлах товчоор үдээсээ чангалж, суллаж бас болох юм байна.