Arslan.mn

Instagram олон нийтийн сүлжээ хэрэглэгч бүрийн хуудсыг баталгаажуулдаг боллоо. Тус компаний хувьд хэрэглэгчдийн аюулгүй байдлыг хангах зорилгоор энэхүү шийдвэрийг гаргажээ.

Өмнө нь тус цэнхэр өнгийн тэмдгийг зөвхөн алдартнууд, нийгэм, улс төрийн зүтгэлтнүүд, томоохон компаниуд л авах эрхтэй байсан юм. Харин Instagram ийнхүү шинэчлэлт хийснээр хүссэн хүн бүр өөрийн хуудсаа жинхэнэ гэдгийг баталгаажуулж, хүсэмжит цэнхэр тэмдгийг авах боломжтой боллоо.

Үүний тулд тохиргоо хэсэг рүү орж, хуудсаа баталгаажуулах хүсэлт илгээнэ. Та хуудсаа баталгаажуулахын тулд өөрийн нэр болон бичиг баримтаа хавсарган илгээх юм. Таны хүсэлтийг хүлээн авсны дараа хуудсыг тань баталгаажуулах үгүйгээ тэд шийдэх болно.