Arslan.mn

Бичил чип компьютерийнх нь сүлжээнд нэвтрээгүй гэж мэдүүлж байгаа компаниудын мэдэгдэлд эргэлзэх шаардлагагүй гэж АНУ-ын Засгийн газар үзлээ. Тус улсын Дотоодын аюулгүй байдлын яам өнгөрсөн амралтын өдөр гаргасан албан мэдэгдэлдээ “Хакердуулсан гэсэн компаниуд мэдээллийг үгүйсгэж байгаа тул сонсгол явуулах үндэслэлгүй” гэж тайлбарласан байна. БНХАУ-ын хакерууд бичил чип ашиглан “Amazon”, “Apple” зэрэг АНУ-ын 30 орчим компанийн мэдээлэлд нэвтэрсэн гэж “Bloomberg Businessweek” мэдээлсэн юм. Мэдээлэл дамжуулах, заавар хүлээн авах чадвартай энэхүү чипийг "Supermicro" компанид үйлдвэрлэсэн эх хавтанд суурилуулсан байж магадгүй гэж таамаглаж байгаа аж. Харин “Amazon”, “Apple” компаниуд чипний мэдээллийг үгүйсгэсэн мэдэгдэл хийжээ. АНУ-ын Холбооны мөрдөх товчоо энэхүү асуудлыг шалгах явц үргэлжилж байгаа юм байна.