Arslan.mn

АНУ-ын ерөнхийлөгч Жо Байден наймдугаар сарын 31-ний өдөр гэхэд бүх цэргээ татаж дуусна хэмээн мэдээлсэн билээ. Ийнхүү өнөөдөр буюу наймдугаар сарын 31-ний өдөр АНУ-ын сүүлчийн нисэх онгоц Афганистаныг орхиж хорин жил үргэлжилсэн дайныг зогсоон, Афганистанчуудыг Талибуудын гарт үлдээж байна.

АНУ өөрсдийн онгоцоор 123,000 гаруй иргэнийг Афганистанаас нүүлгэн шилжүүлжээ.

Афганистанд цаашид юу тохиолдох вэ?

Бүтэн хорин жил үргэлжилсэн дайны эцэст Талибууд ялалт байгуулж, Афганистаныг бүрэн эзлэв. Хэдий Талибууд "Дахин дайн хийхгүй, тэгш эрхийг дээдлэх болно" гэсэн ч цаашид юу болохыг таашгүй.

Талибууд ямар гээч засгийн газрыг байгуулж, эрх чөлөө, эрх тэгш байдал, нэн ялангуяа афган хүүхэд, эмэгтэйчүүдэд юу тохиолдохыг таахын аргагүй юм.

Маргаашаас Афганистанд шинэ ДАЙН эхлэх болно. АНУ-ын дайн дууссан ч Афганистанчуудын дайн дуусаагүй.