Arslan.mn

Цар тахлын улмаас Англид гурав дахь удаагийн үндэсний хэмжээний хөл хорио тогтоож байгаа талаар Их Британийн Ерөнхий сайд Борис Жонсон мэдэгдлээ. Тэрбээр "Нэгдүгээр сарын 5-ны өдрөөс эхлэн Английн сургуулиуд алсын зайн сургалтад шилжин, оршин суугчид гагцхүү салхилах, эмчид үзүүлэх, дэлгүүр орох зорилгоор л гэрээсээ гарч болно. Харин архаг хууч өвчинтэй хүмүүсийг гэрээсээ гарахгүй байхыг зөвлөж байна хэмээжээ. 

Сүүлийн долоо хоногт тус улсад өдөрт 50 мянга гаруй халдварын тохиолдол бүртгэгдсэн байна. Даваа гарагт хоногт илэрсэн халдварын тоо 58 784 болсон нь цар тахал эхэлснээс хойших хамгийн дээд үзүүлэлт болжээ.