Arslan.mn

Их Британид коронавирусний тархалтыг хязгаарлах үүднээс тогтоосон хөл хорионы хязгаарлалтуудыг гурван долоо хоногоор сунгалаа гэж тус улсын Гадаад хэргийн сайд Доминик Рааб мэдэгдлээ.

"Хязгаарлалтуудыг одоо сулруулснаар олон нийтийн эрүүл мэнд болон эдийн засгийг эрсдэлд оруулж болзошгүй. Одоогийн байдлаар халдварын үзүүлэлтүүд буурч эхлээгүй" байгааг тэрбээр онцолжээ.

Их Британид халдварын улмаас нас барсан хүний тоо 861-ээр нэмэгдэж, 13729-т хүрсэн байна.

Их Британид хүмүүсийг гэртээ байхыг шаардаж, бизнесийн үйл ажиллагаануудыг зогсоож, хоёроос олон хүн цуглахыг хориглосон шийдвэр өнгөрсөн гуравдугаар сарын 23-наас хэрэгжиж эхэлсэн юм.