COVID-19 7 хоногийн тойм -22°C 2639.86 ₮
03 сарын 29, Баасан
Өнөөдөр

Arslan.mn

Бээжин хотод буух олон улсын нислэгүүдийн зорчигчдыг шинэ горимоор хүлээн авна

2020 оны 3 сарын 23

Arslan.mn

Сүүлийн үед БНХАУ-ын хэмжээнд COVID-19 халдварын тохиолдол гадны улс орнуудаас зөөвөрлөгдөн орж ирж байгаатай холбогдуулан гуравдугаар сарын 23-ны өдрийн 00:00 цагаас эхлэн Бээжин хотод буух олон улсын нислэгийг нислэг үйлдэж буй агаарын тээврийн компаниас хамааран дараах 12 нисэх буудалд буулгаж, зорчигчдыг шалган нэвтрүүлэх болсон байна.

Үүнд:

Агаарын тээврийн компани

Шилжүүлэн буулгах нисэх буудал
(First Point of Entry)

Air China (CA)

Тянжинь, Шижяжуан, Хөххот, Шэньян, Далянь, Шанхай, Чиндао, Жөнжөү, Ши-ань

China Southern Airlines (CZ)

Шэньян, Жинань

Hainan Airlines (HU)

Тайюань

Emirates (EK)

Шанхай

Etihad Airways (EY)

Ши-ань

Ethiopian Airlines (ET)

Тайюань

Korean Air (KE)

Чиндао

Aeroflot (SU)

Тянжинь

Asiana Airlines (OZ)

Далянь

Malaysia AirAsiaX (D7)

Жөнжөү

Thai Airways International (TG)

Шижяжуан

Singapore Airlines (SQ)

Наньжин

Олон улсын нислэгээр очиж буй зорчигчид эрүүл мэнд болон хил, гаалийн үзлэгт хамрагдаж, ачаагаа хүлээн авч, эрүүл мэндээр тэнцсэн зорчигчид хуваарьт нислэгээрээ Бээжин хот руу нисэж, олон улсын нисэх буудалд буусны дараа зорчигчийг өөрийх нь зардлаар 14 хоног тусгаарлахаар болсон байна.

Харин агаарын тээврээр очиж буй ачааны хувьд гаалийн үзлэг, бүрдүүлэлт Бээжин хотод буусны дараа хийгдэнэ.

Бээжин хотоор дамжин нисэж буй зорчигчдын хувьд зорчигчийг нисэх буудлаас гаргахгүй байхаар зохицуулж, нисэх буудлын дамжин өнгөрөх хэсгийн хоолны газрууд болон дэлгүүрүүд ажиллахгүй байгаа тул зорчигч шаардлагатай хүнсний зүйлээ өөрөө бэлтгэх хэрэгтэй ажээ.

Монгол, Хятадын хилийн хөдөлгөөнийг түр зогсоосон тул манай улсын иргэд БНХАУ-аар дамжин нутаг буцах зорилгоор дэлхийн бусад улсаас Хятад улс руу хийгдэж буй нислэгээр зорчих боломж хумигдсан байна.

Эх сурвалж: ГХЯ-ны Консулын газар
Мэдээнд өгөх таны үнэлгээ?
Like an post Love an post
haha an post
wow an post
yay an post
sad an post
ouch an post
confuse an post
angry an post
615169
0 эможи
keyboard_arrow_up