Arslan.mn

Америкийн кино академийн дээд шагнал гардуулах ёслол буюу Оскарын наадам энэ сарын 9-нд болно.

Кино жүжигчдийн хувьд хамгийн нэр хүндтэй шагналд нэр дэвчихээд авахгүй үлдвэл харамсалтай хэдий ч бараг 200 мянга гаруй ам долларын үнэ бүхий бэлгийн багц хүлээн авдаг байна.

Энэ жилийн хувьд нийт 24 төрөлд шагналд нэр дэвшигчдэд бэлэг өгөх бөгөөд нэг бэлгийн багцийн үнэ нь 215 мянган доллар болж байгаа тухай Forbes мэдээлэв.

Тухайлбал, энэ жилийн багцад гоо сайхны үйлчилгээний эрх, хуримын агентлагийн жилийн багц тасалбар, Испанийн гэрэлт цамхаг руу хийх романтик аялал багтаж байна.

Мөн шагналтнуудын авах хамгийн үнэтэй бэлэг дарвуулт завиар хийх 12 хоногийн аялал байх гэнэ.

Түүнчлэн ухаалаг хөхөвч, алтны хольцтой ванны бөмбөлөг, шээсний шинжилгээний төхөөрөмж зэрэг хачирхалтай зүйлс ч бэлгийн багцад оржээ.