Arslan.mn

Шинэ төрлийн коронавирусийн халдвар гараад байгаа Ухань хотод нэгдүгээр сарын 23-нд баригдаж эхэлсэн 1,000 ортой Хуошэншань эмнэлгийн барилгын ажил Ням гарагийн өглөө дууссан тухай Хятадын төв хэвлэл мэдээлжээ.

Одоо тус эмнэлгийг хүлээж авах ажил явагдаж байгаа бөгөөд өнөөдөр буюу Даваа гарагаас өвчтөнүүдээ авч эхлэх юм байна.Тус эмнэлэг 25,000 м.кв талбайтай юм.

Хуошэншань эмнэлгээс 40 км зайтай газарт баригдаж эхэлсэн хоёр дахь эмнэлэг  энэ сарын 6-нд ашиглалтад орно. Лэйшэншань нэртэй уг эмнэлэг 1,600 ортой байх юм.