Arslan.mn

Коронавирусийн халдварын голомт болох БНХАУ-ын Ухань хотоос иргэдээ шилжүүлж явсан Туркийн нисэх онгоц Улаанбаатарт түр газарджээ.

Тодруулбал,  Нисэх онгоц Бямба гарагийн 15:00 цагт Монгол улсын нийслэл Улаанбаатарт шатахуун цэнэглэх зорилгоор түр газардаж, нэг цаг орчим болсны дараа ниссэн тухай Туркийн хэвлэлүүд мэдээлсэн байна.

Ийнхүү шинэ коронавирусийн тархалтын төв болоод байгаа Хятадын Ухань хотоос Турк улс иргэдээ нүүлгэн шилжүүлжээ.

Туркийн зэвсэгт хүчний ачаа тээврийн нисэх онгоц өчигдөр Ухань хотоос 42 хүн тээвэрлэж Анкарад хүргэсэн байна. Тэдгээрийн 32 нь Туркийн иргэд байсан бол үлдсэн 10 нь Азербайжан, Албани, Гүржийн иргэд байжээ.