Arslan.mn

Жирэмсэн ээж хол алхах, удаан зогсоход  үнэхээр хэцүү. Тиймдээ ч жирэмсэн эмэгтэйд суудал тавьж өгөх нь аль ч улсын иргэдэд үйлчилдэг бичигдээгүй хууль. Гэвч энэ нь Хятадын зарим иргэнд хамаагүй бололтой. Доорх бичлэгийг БНХАУ-ын зүүн хойд хэсэгт байрлах Хэйлонжиан мужийн Хэган хотын цагдаагийн газар нийтэд дэлгэсэн байжээ.

Бичлэг дээр жирэмсэн бүсгүй эмчид үзүүлэхээр нөхөртэйгөө хамт хүлээж байгаа нь харагдана. Эмнэлгийн хүлээлгийн сандал дээр хүмүүс сууж байгаа ч хэн ч босч өгсөнгүй.  Удалгүй аргаа барсан нөхөр нэгэн санаа олсон нь цахим орчинд олон хүний хайрыг татжээ. Тэрбээр газарт суун тонгойж, эхнэр нь хөлөө амраан нуруун дээр нь суусан байна.