COVID-19 7 хоногийн тойм -22°C 2639.86 ₮
03 сарын 28, Пүрэв
Өнөөдөр

Arslan.mn

Хархнууд машин жолоодож сурчээ

2019 оны 10 сарын 27

АНУ-ын Виржиниагийн Ричмондын их сургуулийн судлаачид анх удаа хархнуудаар автомашин жолоодуулж сургажээ.

Тэд дөрвөн дугуйтай, батарейгаар ажилладаг машиныг харханд зориулж зохион бүтээсэн байна.

Машин дотрох гурван зэс бариул нь урагш явах, баруун, зүүн эргэх үйлдэл гүйцэтгэдэг ажээ. Ийм машинд суусан хархнууд хоол хүнс байгаа цэгт машинаа удирдаж хүрэх ёстой байв.

Гэтэл туршилтад оролцсон зургаан эмэгчин, 11 эрэгчин харх бүгд жолоодох ур чадварт амжилттай суралцаж чадсан байна.

Туршилтыг удирдсан психологийн профессор Кэлли Ламберт энэ талаар “New Scientist” сэтгүүлд мэдээлжээ.

Машин жолоодож сурсныхаа дараа хархнууд илүү сэтгэл ханамжтай, тайван болж байгааг судлаачид тэдний кортикостерон дааврын түвшнийг хэмжиж тогтоосон байна. Гэхдээ алсын удирдлагаар явах бус, зөвхөн өөрсдөө жолоодож явах үедээ хархнууд илүү сэтгэл ханамжтай байжээ.

Энэ даавар нь амьтныг стресстэй, айдас түгшүүртэй нөхцөлд байхад ялгардаг юм байна. Хүмүүс шинэ зүйл суралцаж, өөртөө итгэлтэй болох үед бас ийм үзэгдэл ажиглагдаж, сэтгэлийн таашаал нь нэмэгддэг гэнэ.

Туршилтын үр дүнг хүний тархины үйл ажиллагааг судлах, Паркинсоны өвчнийг эмчлэх шинэ аргыг нээх зэрэгт ашиглах юм байна.

Эх сурвалж: ikon.mn
Мэдээнд өгөх таны үнэлгээ?
Like an post Love an post
1
haha an post
wow an post
yay an post
sad an post
ouch an post
confuse an post
angry an post
609736
1 эможи

Зочин
2020-03-03 05:57
Зочин
2019-10-27 23:01
Зочин
2019-10-27 19:40
яацан улсын харх нь хүртэл машин жолоодоод байнаа вэ гэтэл манайх зам засах гэж 200 км бүхлээр хааж бариад алингаа алдаж байна
Зочин
2019-10-27 14:04
keyboard_arrow_up