COVID-19 7 хоногийн тойм -22°C 2639.86 ₮
03 сарын 29, Баасан
Өнөөдөр

Arslan.mn

Венесуэль улсыг харанхуй нөмрөөд байна

2019 оны 3 сарын 08

Венесуэль улсад цахилгаан эрчим хүчний томоохон саатал гарснаас нийт 23 мужийн 18 нь гэрэлгүй, харанхуй болоод байна.

Өчигдөр нийслэл Каракасын оршин суугчид метрогүй болсон тул гудамжинд алхацгааж, олон улсын нисэх буудал нь хаагджээ.

Венесуэлийн хэвлэлүүдийн мэдээлснээр тус улсын өмнөд Боливар муж дахь Симон Боливарын нэрэмжит усан цахилгаан станцад гэмтэл гарсан нь улс орныг харанхуй нөмрөхөд хүргэсэн байна.

Ерөнхийлөгч Николас Мадурогийн талынхан уг тасалдлыг сөрөг хүчнийхний хорлон сүйтгэх ажиллагаа гэж үзэж байгаагаа мэдэгджээ.

“Энэ бол засгийн газрын эсрэг халдлага биш. Энэ бол ард түмний эсрэг ажиллагаа” гэж Венесуэлийн эрчим хүчний сайд Луиз Мотта Домингуэз сэтгүүлчдэд мэдэгдсэн байна.

Тус улсын төрийн өмчит эрчим хүчний Корпоэлэк компани тасалдлыг “төрийн эсрэг эрчим хүчний дайн” хэмээн нэрлээд гэмтлийг засварлахаар ажиллаж байгаагаа зарлажээ.

Эдийн засаг нь сүйрээд байгаа Венесуэль улсад эрчим хүч, усны хангамж тасалдах нь хэвийн үзэгдэл болоод байгаа. Нийслэл Каракас хотын дээд зэрэглэлийн ресторан, зочид буудлуудад ч ийм явдал түгээмэл тохиолдох болжээ.

Гэсэн хэдий ч өчигдрийн тасалдал Венесуэлийн стандартаар хүртэл “онц ноцтой”-д тооцогдож байв.

Сөрөг хүчний удирдагч Хуан Гуайдог засгийн эрхэнд гаргахыг дэмжиж байгаа АНУ-ын сенатор Марко Рубио энэхүү тасалдлыг Николас Мадурогийн дэглэн унах цаг ирснийг харуулсан явдал гэж тодорхойлжээ.

Эх сурвалж: ikon.mn
Мэдээнд өгөх таны үнэлгээ?
Like an post Love an post
haha an post
wow an post
1
yay an post
sad an post
ouch an post
confuse an post
angry an post
600944
1 эможи

Зочин
2019-03-10 13:34
Ядахдаа өмнөд Амеркид ч гэсэн дайны гомолт байх ёстой, хойд Амеркид бол илүү сайн. Тэд л дайныг өдүүлдэг, одоо дэлхийг колончлохыг хүсч байна. Тэгвэл шударга.
keyboard_arrow_up