Arslan.mn

Америкийн мянганыхан буюу 1980-2000 онд төрөгсдийн өр сүүлийн 10 жилд байгаагүй дээд түвшинд хүрч өссөн байна.

Нью-Йоркийн Холбооны Нөөцийн банкны албан мэдэгдэлд “АНУ-ын 19-29 насны залуучуудын өр 2018 оны сүүлийн байдлаар нэг их наяд ам.доллар хүрч нэмэгджээ. Энэ нь 2007 оноос хойших хамгийн өндөр үзүүлэлт болж байна. Үүний дийлэнхийг оюутны зээл эзэлж байгаа аж. Энэ төрлийн зээл олголт 2009 оноос хойш 102 хувиар өсжээ. Харин моргейжийн зээл энэ хугацаанд 3.2 хувиар өссөн байна. Энэ төрлийн зээлийн хэмжээ 2000-аад оны үеийнхээс доогуур байгаа аж. Залуучууд орон сууц авах гэж яарах нь багассан, урт хугацаагаар орон сууц түрээслэх нь нэмэгджээ. Харин 35-аас доош насныхны зарцуулалт өмнөх үеийнхээсээ буурсан байна. Үүнд карьер хөгжих боломж хязгаарлагдсан, гэрлэлтээ хойшлуулсан, боловсрол эзэмших шалтгаанаар авсан өр зээлтэй байгаа зэрэг нь нөлөөлжээ.