Эмэгтэйчүүд эсэргүүцлээ илэрхийлж, дотуур өмднийхөө зургийг тарааж байна

Ирланд улсад 27 настай эр 17 настай охиныг хүчирхийлсэн хэргийг хүчингүй болгосны дараа бүсгүйчүүд цахим ертөнцөөр дотуур хувцасныхаа зургийг нийтлэх болжээ. Шүүх хурлын үеэр сэжигтэний өмгөөлөгч хохирогчийн дотуур өмдийг баримт болгон, “Та бүхэн тэр охин яаж хувцасладгийг харах хэрэгтэй. Тэр урд тал нь торон дотуур өмд өмссөн байсан” хэмээж, улмаар шүүхээс сэжигтэний хэргийг хүчингүй болгосон байна. Энэ үйл явдал Ирландад олон нийтийн дургүйцлыг төрүүлж, олон эмэгтэйчүүд дотуур өмдийг нь зөвшөөрсөн гэх баримт болгон ашигласныг эсэргүүцжээ.

Түүнээс хойш дэлхий даяарх эмэгтэйчүүд тус шүүх хурлын шийдвэрийг эсэргүүцэн дотуур хувцасныхаа зургийн хамт “энэ бол зөвшөөрсөн гэсэн үг биш” гэсэн бичгийн хамт нийтлэх болжээ.