Arslan.mn

“McLaren Automotive” компани үйлдвэрлэлээ тэлэхийн тулд Их Британид авто сэлбэгийн үйлдвэрээ нээлээ.

“Formula 1”-ийн уралдааны автомашин үйлдвэрлэдэг “McLaren Automotive” компани Их Британид хоёр дахь үйлдвэрээ барихад 65 сая ам.долларын хөрөнгө оруулсан байна. Шинэ үйлдвэр нь 2020 онд бүрэн хүчин чадлаараа ажиллаж эхлэх ажээ. BREXIT-тэй холбоотойгоор “Jaguar Land Rover”, “BMW” компаниуд Их Британи дахь үйлдвэрээ өөр улс руу шилжүүлэхээ мэдэгдэж байсан юм. Хэдийгээр “McLaren Automotive” компани эдгээр компаниудын адилаар үйлдвэрээ Их Британиас гаргалгүй, шинэ үйлдвэр барихаар шийдсэн ч BREXIT-ийн дараа борлуулалтаа хэрхэн хадгалах нь сорилт болно гэж “McLaren Automotive”-ийн удирдлагууд тооцоолж байна. “McLaren Automotive” компани үйлдвэрлэсэн автомашиныхаа 90 хувийг АНУ, Европ, БНХАУ, Японд экспортолдог ажээ.