Arslan.mn

Ирэх сард Өмнөд Солонгосын Пёнчан хотод болох өвлийн олимпийн наадамд Умард Солонгосын тамирчдыг оролцуулах асуудлыг нарийвчлан авч хэлэлцэх зорилгоор хоёр Солонгос  өнөөдөр  ажил хэргийн түвшний хэлэлцээ хийхээр болжээ.
Өнгөрсөн долоо хоногийн мягмар гарагт болсон хоёр Солонгосын сайд нарын түвшний уулзалтын үеэр Умард Солонгос “Пёнчан-2018” өвлийн олимпод тамирчид, хөгжөөн дэмжигчид болон албаны хүмүүсээс бүрдсэн төлөөлөгчдөө илгээхээр тохиролцсон билээ.
Хоёр Солонгосын хилд орших Панмүнжом тосгонд өнөөдөр ажил хэргийн түвшний уулзалт хийх саналыг Өмнөд Солонгосын тал Умард Солонгост саяхан тавьсан аж.