Arslan.mn

Америкийн CNN теле суваг “Amazon”-ыг үүсгэн байгуулагч Жефф Безосыг түүхэн дэх хамгийн баян хүн хэмээн нэрлэлээ. “Bloomberg” агентлагаас гаргасан тэрбумтнуудын жагсаалтад түүний хөрөнгө 2018 оны нэг дүгээр сарын 9-ний байдлаар 105 тэрбум ам.доллараар үнэлэгдэж байна. Безосын хөрөнгө нэмэгдсэн нь “Amazon”-ы хувьцааны ханш  2018 эхний өдрүүдэд  6.62 хувиар өсөж, нэг нь 1.3 мянган ам.долларын үнэтэй болсонтой холбоотой. CNN-ний мэдээллээс үзэхэд Безос “ Microsoft” –ыг үүсгэн байгуулагч Билл Гейтсийн хөрөнгө 1999 онд 100 тэрбум ам.доллар болж тогтоосон амжилтыг эвдэж буй юм. Гэвч тэр цагаас хойш Гейтсийн хөрөнгө багасч өдгөө 93.3 тэрбум ам.доллар болжээ.