Arslan.mn

Онлайн худалдаа болон техник хангамжийн “Амазон” компани спорт хувцасны үйлдвэрлэлд хүч сорихоор төлөвлөжээ. Эх  сурвалжууд мэдээлснээр, “Амазон”-ы удирдлагууд Тайванийн “Makalot Industrial” болон “Eclat textile” компанитой хамтран ажиллахаар болсон байна.

Шинэ төсөл, урт хугацааны гэрээнд одоогоор гарын үсэг зуран баталгаажуулаагүй ч “Амазон” спорт хувцасны зах зээлд хүч түрэн орж ирснээр өрсөлдөөн улам ширүүснэ гэж шинжээчид үзэж буй юм. Энэ мэдээлэл гарсны дараа “Lulemon”-ийн хувьцааны ханш 4.9, “Under Armour”-ийнх 2.8 хувиар мөн “NIKE”-ийн хувьцааны ханш буурчээ. “Амазон”-ийн хувьд өмнө нь “Goodthreads”, “Paris Sunday” нэрийн дор оффисын хувцас, хүрэм, даашинз үйлдвэрлэн борлуулж байсан туршлагатай юм.

Эх сурвалж: МОНГОЛЫН ҮНЭН