Ким Кардашиан гурав дахь хүүхдээ өлгийднө

Ким Кардашиан, Канье Уэст нар тээгч эхийн тусламжтайгаар дахин хүүхэдтэй болох гэж буй тухай мэдээлэл аль эрт цацагдсан юм. Тэдний сонгосон тээгч эх ирэх нэгдүгээр сард амаржиж, Канье Уэстийн гэр бүл шинэ хүнээ угтан авах ажээ.

Хосууд охин, хүү хоёртой. Ким хоёр хүүхдээ өөрөө тээж төрүүлсэн боловч сүүлийн удаад төрөхийн хүндрэл үүсч, улмаар дахин жирэмслэх нь амь насанд халтай болохыг эмч нар сануулжээ. Иймээс хосууд гурав дахь хүүхдээ тээгч эхийн тусламжтайгаар төрүүлэхээр шийдсэн гэнэ.

Тэгвэл, тэдний гурав дахь хүүхдийн хүйс нь охин гэж TMZ мэдээлжээ. Түүнчлэн Ким, Канье нар тээгч эхдээ 113 мянган ам.доллар төлсөн, тээгч эх нь 25-30 насны, африк-америк бүсгүй гэнэ.